«Jaraly sezim – 2» fılminiń premerasy ótti

Tipti fılmde aıtylatyn «Kóktóbeden Almaty alaqandaǵydaı kórinedi» degen sóz  jastardyń jıi qoldanatyn tirkesine aınalyp ketken edi. Endi araǵa 17 jyl salyp rejısser «Jaraly sezim – 2» fılmin jaryqqa shyǵardy.

Fılm jelisi boıynsha burynǵy ǵashyqtar Araı men Qanattyń balasy Azamat eseıip, esirtki saýdasymen aınalysady. Keıin esirtki satyp júrgen jerinen ustalyp, túrmege túsedi. Osylaısha, fılm shytyrman oqıǵalarǵa ulasady

   -  «Jaraly sezim» kınosy alǵash ret 2006 jyly túsirilip, 2007 jyly jaryqqa shyqqan bolatyn. bul kınony túsirgende, mende eshqandaı tájirıbe bolmady. Ári osy salanyń mamany emespin. Sol kezde káristiń «Va-bank» degen serıalyn kórip, sodan kıno túsirýdi úırendim. Sodan beri 17 jyl ótti. Keıinirek jańalyqtardan «Va-banktyń» jalǵasy túsirileıin dep jatqany jóninde oqydym. Sodan nege bizge de «Jaraly sezimniń» jalǵasyn túsirmeske» degen oımen burynǵy ártisterimdi jınap alyp, sol kınony túsirdik.

     Al qarjylandyrý máselesine kelsek, «Alla Taǵala maǵan kıno túsrire alatyn qabilet bergen eken ǵoı» dep táýekel etip, aqshany izdemeı, kınony bastap ketemin. Bunyń aldynda «Baqytyńdy aıala» kınosyna bir aǵamyzdan 1000 dollar alyp, sony bastap kettim. Bul joly kınony túsirerde 1 mıllıon teńge jumsadym. Sodan anadan surap, mynadan surap, ústeme aqymen túsirilimniń jartysyna kelgende, kásipker dosym Keýlimjan Bıjanov qarjylaı kómektesti. Osylaısha, sonyń arqasynda kınonyń túsirilimi de bitti, – deıdi rejısser Qamshy.kz-ke bergen pikirinde.

 Aıta keteıik, «Jaraly sezim – 2» fılmi 22 aqpannan bastap, elimizdiń barlyq kınoteatrynda kórsetiletin bolady.