Foto: Ashyq derekkóz
Mańǵystaý oblysynda órt sóndirýshiler jumysqa shyǵýdan bas tartyp jatyr, dep habarlady Lada.kz.
Olardy qazir О́mirzaq aýylynyń órt sóndirýshileri de qoldap shyqqan.
Úndeý Qazaqstan prezıdenti Qasym-Jomart Toqaevqa, premer-mınıstr Oljas Bektenovke, Mańǵystaý oblysynyń ákimi Nurlan Noǵaevqa joldandy.
«Mańǵystaý oblysyndaǵy «Zevs energo» qoǵamdyq birlestigi, Aqtaý, Jańaózen, Jetibaı, Qarajanbas jáne Qalamqas órt sóndirýshileri ujymynyń atynan úndeý! Osy ýaqytqa deıin memlekettik organdarǵa eskertý jasaldy. Alaıda aryz-talabymyz oń sheshimin tappady. Sondyqtan 16 aqpannan bastap jumysty toqtattyq. Talabymyz, aılyǵymyz 130-150 myń teńge aralyǵynda, eńbek demalysyna 80 myń teńge beredi. Bul qazirgi qymbatshylyqqa baılanysty azdyq etedi. Aılyǵymyzdy 350 myń teńgege kóterip, áleýmettik paketti qosyp, densaýlyqqa zııandy aımaqta júrgendikten sút jáne taǵy basqa paıdaly azyqpen qamtamasyz etilsin. Jyl saıyn beriletin merekelik syıaqylar 100% berilsin. Sapaly kıimder berilsin. Jumysshylardy qýdalamaýdy suraımyz, - dedi mańǵystaýlyq órt sóndirýshiler.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir