• USD 468.56

  • EUR 497.56

  • RUB 7.3

  • CNY 67.18

23 Aqpan, 08:11:06
Almaty
+35°

01 Jeltoqsan, 2023 Barlyq aımaqtar

102-ge 49 ret qońyraý shalǵan áıeldiń ólimi

Quqyq qorǵaý organdary turmystyq zorlyq-zombylyqty toqtatýǵa qulyqsyz ba?

Foto: ashyq derek kózinen alyndy

Qostanaı oblysynda kúıeýiniń qolynan qaza tapqan áıel polısııaǵa 49 ret habarlasqan. Alaıda qajetti kómekti ala almaı jan tapsyrǵan.  Polısııa departamenti atalǵan iske qatysty pikir bildirdi.

Oqıǵa 2022 jylǵy qarasha aıynda bolǵan. Polıseıler Qostanaı qalasyndaǵy páterlerdiń birinen eki áıeldiń denesi tabylǵanyn habarlady.

– Qazir sot úkimi boıynsha sottalýshy 20 jylǵa bas bostandyǵynan aıyryldy, úkim zańdy kúshine engen joq. Kúdikti polıseılerdiń nazarynda boldy. Onyń áıeliniń ótinishi boıynsha birneshe ret qorǵaý nusqalary shyǵaryldy. Er adam ákimshilik jaýapkershilikke tartyldy, onyń ishinde qoǵamdyq tártipti saqtaý salasyndaǵy basqa da quqyqbuzýshylyqtar úshin tartylǵan, –  dep habarlady Qostanaı oblysynyń polısııa departamenti ókilderi.

Polıseılerdiń aıtýynsha, qylmyskerge shara qoldaný úshin jábirlenýshiniń aryzy talap etilgen, biraq áıeli odan bas tartqan.

"Sonymen birge, bul derek boıynsha qyzmettik tekseris júrgizilip, nátıjesinde birqatar laýazymdy tulǵa qatań tártiptik jaýapkershilikke tartyldy", – dep oblystyq departament ókilderi málimdeme jasady.

Eske sala keteıik, kúıeýinen qorǵaýyn surap, marqum áıel 102 nómirine 49 ret júgingeni aıtyldy.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir