30 Qarasha, 2023 NEWS
![](/media/2023/11/30/crop-8_81_668x1187_full_16913805963b3499a7468cf276619c05d9774a0561_webp.webp?width=600&height=480)
Foto: Ashyq derekkóz
Depýtat Qaraqat Ábden májilis otyrysynda 2024 jyldy zorlyq-zombylyqpen kúresý jyly dep jarııalaýdy usyndy. Buǵan eldegi áıelderge qarsy zorlyq-zombylyq pen harassment oqıǵalarynyń kóbeıýi sebep bolyp otyr. Depýtattyń aıtýynsha, sońǵy 10 aıda turmystyq zorlyq-zombylyqtan 85 áıel qaza tapqan.
"Memleket basshysy óz joldaýynda «Tártipsizdik pen quqyq buzýshylyqqa múldem tózbeýshilik» qaǵıdasyn qalyptastyrýdy tapsyrdy. Sondyqtan qoǵamda oryn alyp jatqan isterge birimiz birdeı áser etýimiz qajet. Kórshiniń úıindegi daý-damaıǵa, áıeldiń, stýdent qyzdardyń kómek suraǵan janaıqaıyna beı-jaı qarasaq, áriptes kelinshektiń bet-álpetindegi kógergen izderge janashyrlyq tanytpasaq, zańda qudiret qalmaıdy. Aıtylǵan oıymdy qorytyndylaı kele, keler jyldy zorlyq zombylyqqa qarsy kúres jyly dep jarııalaýdy usynamyn!!!", dedi depýtat.
Sondaı-aq Qaraqat Ábden harassmentke qatysty zań qatań qaralyp, zań jobasyna túzetýler men ózgertýler engizilý keregin aıtty. Depýtatqa harassmentke ushyraǵan stýdentterden 100-den asa hat kelgen.
"Jalpy zorlyq-zombylyqtyń qaı túrin bolsyn, harassmentti de qatań qarap, zań jobasyna birqatar ózgertýler men tolyqtyrýlar engizý qajettiligi týyndap otyr.
Bul joly stýdent qyzymyz batyl bolyp shyqty. Esh qoryqpastan bolǵan jaǵdaıdy jaıyp saldy. Tıisti sheshim qabyldanyp, álgi harasser jumystan shyǵaryldy. Biraq, biz – mundaı máseleni árqashan stýdenttiń – batyldyǵyna, basshynyń – ádildigine senip qoıa almaımyz. Júıeli, keshendi sheshimder kerek.
Keshe ǵana mektep bitirip, aýylynan shyǵyp kórmegen aqúrpek balapandaı jap-jas qyzdardy qorǵaýymyz kerek. Ibaly, keı-kezi tym uıalshaq, múmkin, jasqanshaq qazaq qyzy – óz basynan ótken osyndaı jaǵdaıdy aıta bermeıdi", dedi Qaraqat Ábden.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir