Semeıde Respýblıka kúnine oraı «Polıglot» saıysy ótip jatyr

Saıys úsh tildi meńgergen jastardy anyqtaýǵa jáne qoldaýǵa arnalǵan. Bul jyly ol Abaı mýzeıinde uıymdastyryldy.

Saıys qatysýshylary irikteýden ótken úsh tildi jetik meńgergen 9-10 synyp oqýshylary. Saıys eki kezeńnen turady. Birinshi kezeń test suraqtarynan quralsa, ekinshi kezeńde oqýshylar tyńdalym tapsyrmalaryn oryndaıdy. Osylaısha olardyń qazaq, orys jáne aǵylshyn tilderi boıynsha biliktilikteri men tyńdap-túsiný deńgeıleri anyqtalady.

«Polıglot - jyl saıyn ótetin dástúrge aınalǵan saıystardyń biri. Kóptildi bilim berý baǵdarlamasy jahandaný jaǵdaıynda básekege qabiletti jáne til mádenıetin biletin urpaqtyń qalyptasýyna yqpal etedi. Sol sebepti de búgingi saıysta biz úsh tildi meńgergen jastardy anyqtap, olarǵa ári qaraı qoldaý kórsetý maqsatynda jınaldyq»– deıdi qalalyq mádenıet jáne tilderdi damytý bóliminiń basshysy Marjan Bahatova.

Bul - Qazakstan Respýblıkasyndaǵy til saıasatyn iske asyrýdyń 2020-2025 jyldarǵa arnalǵan memlekettik baǵdarlamasy aıasyndaǵy shara.