Arman Shoraev Halyqtyq parlament týraly: Úlken kúshke, úlken qozǵalysqa aınalamyz!

Búgin Halyqtyq parlament jıynynda Qazaqstandaǵy saılaý týraly jańa konstıtýsııalyq zań qabyldaý máselesi kóterildi.

Eger daýys bergen halyq sany 20-30%-dan aspasa saılaýdy zańsyz dep taný kerek. Sondaı-aq saılaýdaǵy daýysty qalaı sanalatyny emes, kim sanaıtyny mańyzdy ekeni jáne daýys sanaýshylardyń jartysy organnan, qalǵan jartysy azamattyq qoǵam ókilderi bolý keregi aıtyldy. 

"Men sizdermen birgemin. Ádiletsizdik oryn aldy. Jańa Qazaqstannyń eski ekenine kózimiz jetti. Biraq muńaımaı kúresimizdi jalǵastyramyz! Dalada jatqan el men jer joq. Biz  bir qoǵam bolyp birigýimiz kerek. Sebebi ádiletsizdikke kóný, ony jasaǵannan da aýyr kúná. Artymyzda qalyń halyq bar. Bılik bizge tosqaýyl bolmaýy kerek. Úlken kúshke, úlken qozǵalysqa aınalamyz!", dedi Arman Shoraev. 

Budan bólek Asylbek Qojahmetov bolsa Nazarbaevtyń aktıvterin tekserip, SQO-daǵy jer máselesin nazardan tys qaldyrmaý keregin aıtty. 

"Soltústik Qazaqstandaǵy jer máselesin nazardan tys qalmaýy kerek. Jersiz júrgen adam kóp. Olıgarhtar jer ózine alyp alǵan. Sondyqtan jer máselesi týraly referendým uıymdastyrýdy usynamyn. Zań ózgermeıinshe saılaý árqashan osylaı ótedi. Túk ózgermeıdi. Mekteptegi muǵalimderdi saılaý komıssııasynan alyp tastaý kerek. Al qańtar isine qatysty Karımov aısbergtiń shyńy ǵana. UQK jumysyna da nazar aýdarý kerek. Olar bizdi ańdyǵansha, keshegi separatıstermen kúressin", dedi ol.