Jambyl oblysynda 4,7 myń gektar jer memleketke qaıtaryldy

Jambyl oblysynda 4,7 myń gektar jer memleketke qaıtaryldy. Bul ýchaskelerdiń kadastrlyq quny 55 mln teńgeden asady. 

Baızaq aýdanynyń prokýratýrasy zańsyz berilgen 465 gektar jer men paıdalanylmaı jatqan 4292 gektar jer telimin anyqtady. 

Jergilikti atqarýshy organǵa engizilgen prokýrorlyq qadaǵalaý aktisi negizinde sotqa deıingi tártippen paıdalanylmaı jatqan jer ýchaskelerin tolyq qaıtarý jaıly, al qalǵan zańsyz berilgen jerler boıynsha sotqa jerdi jalǵa alý sharttaryn jaramsyz dep taný týraly aryz berilgen.

Jambyl oblysy boıynsha mamandandyrylǵan aýdanaralyq ekonomıkalyq sot sheshimimen talap aryz qanaǵattandyrylyp, 465 gektar jer memleketke qaıtaryldy.

Bul jer ýchaskeleri aldaǵy ýaqytta sharýa qojalyqtaryna zańda belgilengen tártippen berý arqyly sharýashylyq aınalymyna tartylady.