Munaı ken oryndaryn Reseıge bergisi kelip júrgender kim? (vıdeo)

Eldiń bir bóligi tasqynmen áýre-sarsańǵa túsip, ekinshi bóligi Bıshimbaevtyń sotyna telmirip otyrǵanda Qazaqstannyń iri munaı ken oryndaryndaǵy batystyq kompanııalardyń úlesin Reseıge bere salý týraly bastama qyzý kóterilip jatyr.

Mundaı usynyspen “Parasat” kásipkerler alıansy tipti prezıdentke deıin shyqqan. Al qańtar oqıǵasy qarsańynda gazben júrý qymbattasa, qoǵamdyq kólikke ótińder, sony da sóz qylyp júrsińder me” dep aıdy aspannan biraq shyǵarǵan qazirgi energetıka mınıstrliginiń janyndaǵy qoǵamdyq keńes múshesi Oljas Baıdildınov osy meseleni jelpine kóterip júr.

Ol Qazaqstan úkimeti munaı óndirý isinde batystyq kompanııalarmen 90 jyldardyń basyndaǵy shart negizinde jumys isteıtindikten, aı saıyn 500 mln dollar qarajattan qaǵylyp otyr, onymen bıýdjettiń biraz jyrtyǵyn jamar edik deıdi. Al shartty bir jaqty ózgertý múmkin emes eken, sondyqtan ol Teńiz, Qarashyǵynaq, Qashaǵan ken oryndaryndaǵy batystyq kompanııalardyń úlesin jańa shartpen Reseıge bergen durys dep sanaıdy. Batys elderi ken oryndary úshin qarjyny Kremldiń Ýkraınaǵa soǵys ashqannan keıin buǵattalǵan 300 mlrd dollar qarjysynan alsyn deıdi.

Al Qazaqstannyń ken oryndaryn batystan alyp, Reseıge bergen jomarttyǵy úshin buǵattaǵy qarjy esebinen Rosatom bizge alǵashqy Atom elektr stansııasyn salyp berse bolady degendi qosa ketedi.

 

 

 

Posmotret etý pýblıkasııý v Instagram

 

 

 

Pýblıkasııa ot Qamshy.kz (@qamshy.media)