• USD 468.56

  • EUR 497.56

  • RUB 7.3

  • CNY 67.18

23 Mamyr, 16:43:01
Almaty
+35°

24 Sáýir, 2024 Barlyq aımaqtar

Taksı qyzmetteri úshin 2010 jylǵy kólikter de jaramsyz bolýy múmkin

Taksı qyzmetteri úshin tek 90-jyldardaǵy emes, tipti 2010 jylǵy kólikter de jaramsyz bolýy múmkin. Munyń barlyǵy jańa memlekettik standart jobasy aıasynda júzege asyrylmaq, - dep habarlaıdy Qamshy.kz aqparat agenttigi kaskelen.kz-ke silteme jasap.

Foto: ashyq derekkózden

Ulttyq standarttardy (US) ártúrli saladaǵy qaýipsizdikti qamtamasyz etý maqsatynda standarttaý organdary jasaıdy.

“Zań jobasynda taksı tasymaldaryn uıymdastyrýdy ózin-ózi retteýge kóshirý kózdeledi. Al bul taksı tasymaldaýshylarynyń, taksıdiń aqparattyq-dıspetcherlik qyzmetteriniń jáne taksıge tapsyrys berýdiń mobıldi qosymshalarynyń jumys prınsıpin konseptýaldy ózgertýge, sondaı-aq taksı tasymaldaýshylarynyń ózin-ózi retteıtin uıymǵa múshe bolýyna alyp keledi”, – delingen ázirlenip jatqan qujatqa túsindirme jazbada.

Jobanyń 7.1-tarmaǵynda “paıdalaný merzimi 15 jyldan asatyn jáne júrip ótken qashyqtyǵy 500 myń km-den asatyn taksı-avtokólikti paıdalanýǵa tyıym salynady”. Bul 2025 jyly taksı júrgizýshileri 2010 jylǵy kólikterdi paıdalaný almaıdy degendi bildiredi.

Sonymen qatar taksı júrgizýshileriniń mashınalarynda keminde tórt búıirlik esik bolýy kerek. Iаǵnı, syrtqy túri de standarttalady.

US jobasy taksı júrgizýshisiniń kóliginiń syrtqy túrine qoıylatyn talaptardy da qarastyrady:

-Arnaıy belgiler – mysaly, kýzov búıirlerinde qara jáne sary kvadrattardan jasalǵan beldik bolýy kerek (qondyrǵy), sondaı-aq 500 metrge deıingi qashyqtyqtan anyq kórinetin jáne kóliktiń tóbesine ornatylǵan belgi bolýy tıis;

-Júrgizýshi kartasy –avtomobıl salonynda jolaýshylar kóretindeı jerde ornalastyrylady, onda júrgizýshiniń fotosýreti men derekteri kórsetiledi;

-Aqparattyq tablo – tasymaldaýshynyń resmı ataýy (mekenjaıy men telefony), 1 km-ge deıingi jol júrý quny, sondaı-aq taksometr bolǵan jaǵdaıda jol júrýdiń kelesi qashyqtyǵy úshin jol júrý quny kórsetiledi.                                                 

“Jolaýshylar taksıin esepke alý jáne jabdyqtaý talaptarynyń saqtalýyn tekserý úshin taksı kóliginiń júrgizýshisi osyndaı tekserý júrgizýge ýákiletti atqarýshy bılik organdarynyń qurylymdyq bólimsheleriniń qyzmetkerlerin jolaýshylar taksıine jiberýge mindetti”, – delingen jobanyń mátininde.

"Qamshy" silteıdi
Ilmek sózder: eski kólik taksı

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir