Mıllıarder Oleg Derıpaska: Reseıde kelesi jyly qarajat qalmaıdy

Reseılik mıllıarder Oleg Derıpaska Krasnoıarda ótken ekonomıkalyq forýmda "ınvestorlar kelmese, kelesi jyly elde qarajat qalmaıdy" dep málimdeme jasady. 

"Qazirdiń ózinde qarajatqa qatysty kóptegen másele bar. Sol sebepti bıznes qulaıyn dep áreń tur. Dostyq qarym-qatynastaǵy elder biz úshin mańyzdy resýrs. Reseımen jaqsy qarym-qatynastaǵy elderde jalpy sany 4,5 mlrd halyq bar. Bizge ınvestorlar kerek. Eger biz ár toqsan saıyn qandaı da bir problemalarǵa baılanysty oıyn erejelerin ózgerte beretin bolsaq, bizge eshkim senbeıdi: reseılik jáne sheteldik kásipkerler de", deıdi kásipker. 

Oleg Derıpaskanyń aıtýynsha, Reseıdegi ekonomıkalyq jaǵdaı "óte qıyn ári boljam jasaý múmkin emes" jáne kem degende 2025 jyldyń ortasyna deıin esh ózgerissiz qalady. 

Budan bólek, Derıpaska sheneýnikterdiń sanyn eki-úsh ese azaıtýdy usyndy. Olardyń qazirgi sany sanksııalardyń sebebimen quldyrap jatqan ekonomıka úshin qosymsha aýyrtpalyq ekendigin aıtty.