Foto: Ashyq derekkóz
Tanymal aıtysker aqyn Rınat Zaıytov Májilis saılaýyna kandıdat retinde tirkelý úshin qujat tapsyrdy. Bul týraly aqynnyń ózi habarlady.
"Qazaqstan Respýblıkasynyń Parlamenti májilisiniń depýtatyn saılaý boıynsha №3 birmandattyq aýmaqtyq saılaý okrýginiń okrýgtik saılaý komıssııasyna búgin majorıtarlyq júıemen ózimdi-ózim Qazaqstan Respýblıkasy Parlament depýtatyna kandıdattyqqa usyndym. Moıyndaımyn. Ońaı kelgen sheshim emes", dep jazdy Rınat Zaıytov.
Aqyn týǵan jeri Abaı oblysy men qyzmet etip jatqan Almaty qalasy arasynda tańdaý jasaǵanyn aıtady.
"Aldymda eki tańdaý boldy: Almaty qalasy jáne Abaı oblysy. Árıne bir qaraǵan adamǵa týǵan jerim úsh jurtymnyń eń kóp ókilderi turatyn aımaq. Abaı oblysy tıimdi bolatyn edi. Biraq, "Aýyl ıtiniń aýzy sasyq" ekenin, bir oblysty tolyq aralaýǵa, ár aýyldan senimdi ókil, ár ýchastokten baqylaýshy t.b. eskersek onyń barlyq shyǵynyn óteıtin mende múmkindik te, demeýshi de joq. Oǵan qosa aımaqtarda jergilikti bıliktiń yqpaly óte úlken. Sondyqtan Almaty. Almaty – azattyqtyń astanasy. Almaty – rýhty qaýymnyń mekeni. Ol az deseńiz, osydan tórt jyl buryn bıliktiń kiseninen julyp alǵan da osy Almatydaǵy aǵaıyn. Demeýshim joq demeımin. Tilektesterim bar. Qazaq bar! Jaratýshydan keıin senerim solar. Táýekel. Ońaı sheginbeıtinimdi eskertýdiń qajeti joq shyǵar. Sonda da...".
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir