• USD 468.56

  • EUR 497.56

  • RUB 7.3

  • CNY 67.18

22 Mamyr, 06:53:41
+35°

Qytaıdyń Sychýan provınsııasynda ár otbasyna ruqsat etilgen bala sanyna shekteý alyndy, dep habarlady BBC Russian.

Úkimet nekesiz bala kótergen áıelderge resmı túrde tirkelip, erli-zaıyptylar sııaqty barlyq jeńildikti alýǵa múmkindik berýge sheshim qabyldady. Qytaı zańy resmı turmysqa shyqpaǵan áıelderge bala týýǵa tyıym salmaıdy, biraq zań boıynsha "ana" statýsy tek nekedegi áıelge beriledi. 

Sonymen qatar jalǵyzbasty analarǵa, turmystaǵy áıelderge beriletin jeńildikter qoldanylmaıdy, tipti jumys berýshi olardy kez kelgen ýaqytta jumystan shyǵara alady.

2023 jyldyń 23 qańtarynda Qytaı úkimeti jarııalaǵan statıstıkaǵa sáıkes 2022 jyly Qytaıda 9,56 mıllıon adam dúnıege kelip, 10,41 mıllıon adam qaıtys bolǵan. Bul – sońǵy 60 jyldaǵy halyq sanynyń alǵash ret azaıýy.

Qytaıda sońǵy halyq sanaǵy týý kórsetkishteri tómen ekenin kórsetkennen keıin dúnıege úshinshi bala ákelýge ruhsat etken. Jańa saıasat ulttyq qartaıý prosesiniń aldyn alýdy kózdeıdi.

2016 jyly Qytaı 1979 jyldan beri qoldanylǵan "bir otbasy – bir bala" saıasatynan bas tartyp, ekinshi balany týýǵa ruhsat etken. Alaıda jańa saıasat kútkendegideı nátıje bermegen.

Sarapshylar búginde úlken januıany qalaıtyn jastardyń óte az ekenin, baýyrsyz ósken, shaǵyn otbasyǵa úırenip qalǵan qytaılyqtardyń tutas býyny qalyptasqanyn aıtady. Jastar otbasylyq tabysty birneshe bala arasynda bólgenshe, bir balaǵa barynsha nazar aýdarýdy qup kóredi.

Sondaı-aq "bir otbasy – bir bala" saıasaty genderdiń dısbalansqa ákelip soǵyp, er balalardyń kóbeıýine áser etken.
 
Keı mamandar jańa tártip te bala týý kórsetkishin aıtarlyqtaı arttyrmaıdy dep sanaıdy.

Commerzbank sarapshysy Hao Chjoý Reuters-ke bildirgen pikirinde "jastar ary ketse eki bala ǵana ósirgisi keledi, máseleniń túp-sebebi ómir súrý quny tym qymbat, al ómirlik qysym asa joǵary bolýynda" degen.

Qytaıdaǵy sońǵy halyq sanaǵy 2020 jyly 12 mıllıon sábı dúnıege kelgenin kórsetken. 2016 jyly 18 mıllıon náreste jaryq dúnıe esigin ashqan bolatyn. Sońǵy kórsetkish 1960 jyldan beri tirkelgen eń tómengi kórsetkish boldy.

Medıa-analıtık Kerrı Allenniń sózinshe, Qytaıda eńbek naryǵynyń qysqarýynan jastardyń kóbirek jumys isteýi qalypty jaǵdaıǵa aınalǵan. Sondaı-aq erte juptasýǵa qaraǵanda, bilim alý men jumysty jalǵastyrýdy qalaıtyn áıelder de kóbeıe túsken.

Jańa saıasat qala men aýyl halqy arasyndaǵy alshaqtyqty týdyrýy múmkin degendi aıtatyn sarapshylar da tabylyp jatyr. Olardyń pikirinshe, Beıjiń, Shanhaı sekildi qymbat qalada turatyndar bala týýdy keıinge qaldyra beredi. Úlken januıa qurýǵa umtylys tek aýyldyqtar arasynda ushyrasýy yqtımal.
"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir