Qazaqstan kókenis ımportyna táýeldi bola túsken

2022 jyldyń jeltoqsan aıynyń qorytyndysy boıynsha jańa jınalǵan kókónis baǵasy bir jyl burynǵymen salystyrǵanda 19,2% ósken.

Baǵa eń kóp ósken óńir Almaty oblysy: bir jylda 32,2% qymbattaǵan. Odan keıin Túrkistan (30,3% qymbattaǵan) jáne Ulytaý (27,1%) oblystary. Bir jylda eń az qymbattaǵan óńir Batys Qazaqstan oblysy: 4,6%. Eldiń 20 óńiriniń ishinde jańa pisken kókónis baǵasy tek Pavlodar oblysynda ǵana tómendedi: 2,7%.

Qymbattaǵan kókenister qatarynda qııar (47,9% qymbattap, kılosy 931 teńge), pııaz (40,6% qymbattap, 124 teńge), qyzanaq (22,2% qymbattap, 764 teńge), kartop (11,9% qymbattap, 155 teńge), qyzylsha(1,5% qymbattap, 235 teńge) bar. Sábiz 0,8% arzandap, kılosy 145 teńge, aq qaýandy qyryqqabat 15,2% arzandap, 102 teńge boldy. 

Kókónis ımportyna keler bolsaq, 2022 jylǵy qańtarqazan aılarynyń qorytyndysy boıynsha elde burysh ımporty aıtarlyqtaı ósti (2,8 ese kóbeıip, 28,3 myń tonnaǵa jetti). Odan bólek qııar men kornıshon (85,7% kóbeıip, 9,4 myń tonna), sarymsaq (76,2% kóbeıip, 4,1 myń tonna), baqsha daqyldary (73,2% kóbeıip, 62,1 myń tonna), aq qaýandy qyryqqabat (61% kóbeıip, 107,6 myń tonna), qyzanaq (45% kóbeıip, 56 myń tonna) ımporty da artty.

Esesine kartop ımporty tómendedi (31,8% azaıyp, 47 myń tonna boldy), sonymen qatar pııaz (11,3% azaıyp, 196,2 myń tonna), sábiz (3,4% azaıyp, 41,1 myń tonna), baklajan (2,6% azaıyp, 2,3 myń tonna) jáne qyzylsha (0,7% azaıyp, 9,3 myń tonn) ımporty kemidi.

Kókónis eksportynda burysh (63,6% kóbeıip, 1,4 myń tonnaǵa jetti), qyzylsha (62% kóbeıip, 1,1 myń tonna), baqsha daqyldary (56,1% kóbeıip 38,4 myń tonna), sábiz (32,1% kóbeıip, 3,6 myń tonna), pııaz (31,8% kóbeıip, 109,9 myń tonna) jáne sarymsaq (18,5% kóbeıip, 474,5 tonna) eksporty artty.

Qyryqqabat, qııar men kornıshon, qyzanaq, baklajan eksporty qysqardy.

Kókónisterdiń negizgi túrleriniń ımporty eksporttan birneshe ese kóp ekenin atap ótken jón. Máselen, 2022 jyldyń qańtar-qazan aılarynyń qorytyndysy boıynsha baklajan ımporty eksporttan 39,8 ese, burysh – 20,5 ese, qyryqqabat — 12,4 ese, sábiz – 11,5 ese, qyzylsha – 8,8 ese, sarymsaq – 8,7 ese, qyzanaq – 3,6 ese, qııar – 2,2 ese, pııaz – 1,8 ese, qaýyn – 1,6 ese ósti. Tek kartop ımporty ǵana eksporttan 2,9 ese az boldy.

energyprom.kz