• USD 468.56

  • EUR 497.56

  • RUB 7.3

  • CNY 67.18

24 Sáýir, 23:32:16
Almaty
+35°

Nazarbaev tusynda tasy órge domalaǵan olıgarhtardyń bári Jańa Qazaqstannyń jańa erejelerine kónip, qabyldady. Keshe ǵana Nazarbaevtyń aldynda "jaǵympazdanýdy ómir úıretti" deıtin Nurlan Smaǵulov sııaqty olıgarhtarǵa ómir endi "Nazarbaev jaman edi" deýdi úıretti.

Sonysymen olıgarhtar burynǵydaı Qazaqstanda mıllıardtaryn taýyp jatyr. Jańa Qazaqstan olarmen "sen tımeseń men tımen" bop otyr.

Júıege qarsy áreket etetin bireý bolsa, ol – Nazarbaevtar áýleti.

Nazarbaevtyń ózi "halyq men týraly ne oılasa da, maǵan báribir" degendeı keıipin ashyq tanytty. Ol halyq ózin jek kóretinin biledi. О́lgen soń artynan estilýi tıis sózderdi tirisinde estidi.

Ol kitap jazyp, nekesiz týǵan balalaryn moıyndady. Astananyń ortasynda inisiniń asyn berdi. Munyń bári – jańa Qazaqstanǵa qaratylǵan ses. "Biz eshqaıda qashqan joqpyz, biz álsiregen joqpyz" degeni.

Endi bas oppozısıoner Nazarbaev bolýy múmkin.

Keshegi elbasy endi búgingi bılikke oppozısııa bolady dep kim oılaǵan?

Jumyssyz "tuńǵyshtyń" baspasóz qyzmeti taratatyn keı habarlardan "Nazarbaev kezinde olaı bolmaǵan" degendeı saryn seziledi. Nazarbaev sezgish, ol Arys jarylysy, Covid, qysta qatqan Ekibastuz, óndiristegi apattar, Ýkraınadaǵy soǵys bolmaı turyp prezıdent taǵyn tastap ketti. Ketetin kezdi dál tapqan.

Nazarbaevtyń áli de mıllıardtaǵan resýrstary bar. Ol álemdegi eń baı qazaq!

Yqpaly azaısa da, áli bar. Tynysh jatyp qartaıý onyń joly emes, ol qazir uldaryn aqtaýǵa kiristi, ol da eńbek.

Qyzyqtyń bári Nazarbaev qaıtys bolǵan soń bastalady. Eki qyzy men semıasyndaǵy eń jaqyndary, senimdi serikterine tyqyr taıanýy múmkin. О́zi salǵan meshitte jerlenetin shyǵar. Qonaevty aqtyq saparǵa búkil Almaty bolyp shyǵaryp salǵan. Nazarbaev ondaı qurmet kóredi dep oılamaımyn. Túrkistandaǵy qasıetti jerde handarmen qatar jataıyn degen ıdeıasy bolǵan. Oǵan túrki álemi kónbese kerek. Sosyn 2015-te panteon salǵyzdy. Oǵan burynǵy mınıstrler, depýtattar men sheneýnikter jerlene bastaǵan soń panteonnan da aınyp qaldy. "Qaıdaǵy bir depýtattarmen birge jatam ba" dep. Prezıdent ornynan keterinen bir kún buryn tasyn ózi qalaǵan meshitiniń áli ataýy joq. Nazarbaevty kútip turǵan Almatydaǵy Fýrmanov kóshesi sııaqty.

(Saıasattanýshy, bloger Syrym Itqulovtyń Adal Adam live kanalynda bergen suhbatynan)

"Qamshy" silteıdi
Ilmek sózder: Nursultan Nazarbaev

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir