Kórneki sýret
Sybaılas jemqorlyqqa qarsy qyzmet Atyraý oblysy ákiminiń burynǵy orynbasaryn áshkereleýge kómekteskeni úshin oblys turǵyny 12,2 mıllıon teńge syıaqy alǵanyn habarlady. Bul – para jalpy somasynyń 10% quraıdy.
Antıkor málimetinshe, 2022 jyly 40,6 mıllıon teńgege 134 azamatqa syıaqy tólengen.
Eń úlken syıaqy kólemi Atyraý jáne Qyzylorda oblystarynda berilgen.
"Sybaılas jemqorlyq qylmystardy ashýǵa járdemdesetin azamattardy kótermeleý qaǵıdalaryna sáıkes tólemder azamattar habarlaǵan adamdarǵa qatysty sot úkimi shyǵarylǵannan keıin júrgiziledi. Sonymen qatar, Sybaılas jemqorlyqqa qarsy qyzmet aqparat berýshilerdiń tolyq qupııalylyǵyn qamtamasyz etedi. Aǵymdaǵy jyldyń 3 qańtarynan bastap azamattardyń bul sanaty kýágerlerdi qorǵaý baǵdarlamasyna túsedi. Sybaılas jemqorlyq faktisi týraly kez kelgen azamat 1424 telefony boıynsha Antıkordyń Call-ortalyǵyna habarlaı alady nemese jumys kúnderi saǵat 9:00-den 17:00-ge deıin ár aýmaqtyq departamenttiń Antikor Ortalygy-na bara alady" delingen habarlamada.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir