• USD 468.56

  • EUR 497.56

  • RUB 7.3

  • CNY 67.18

28 Naýryz, 12:51:36
Almaty
+35°

Almaty qalasy máslıhatynyń depýtaty, jýrnalıst Sergeı Ponomarev RAMS  kompanııasy kezekti turǵyn-úı kesheniniń qurylysy úshin qaladaǵy kóshelerdiń birin jaýyp tastaǵanyn málim etti. Depýtattyń aıtýynsha, kompanııaǵa eks-prezıdenttiń inisi Bolat Nazarbaev qojalyq etedi.

Depýtat shaǵyn kóshe arqyly Baıtursynov kóshesinen Ál-Farabı dańǵylyna ońaı shyǵýǵa bolatynyn, bul – kólik tyǵyny kezinde joldy qysqartýǵa kómektesetinin atap ótti. Endi qurylysqa baılanysty kóshe jabyq tur.

«Almatyda taǵy bir kóshe joǵalyp ketkeli tur, bul – Polıtehnıcheskaıa kóshesi. Ana jaqty qorshap, RAMS kompanııasy kezekti nysan salyp jatyr. Biraq biz Jańa Qazaqstandy quryp jatyrmyz emes pe! Maǵan bas josparǵa saı, kóshe ornynda úı turýy kerek deıdi. Biz RAMS kompanııasynyń ústinen Bolat Nazarbaev qaraıtynyn jaqsy bilemiz. Qazir ol yqpalyn joǵaltty ǵoı, bas jospardy ózgerteıik. Men, máslıhat depýtaty retinde gaz, arhıtektýra, aýdandyq ákimdik sekildi osyǵan qatysy bar barlyq qurylymdy jınap, kósheni jappaı, kerisinshe jańalaryn ashýǵa jumys isteýge shaqyram. Buǵan deıin Pojarskıı kóshesinen aıyrylyp qaldyq, endi Polıtehnıcheskaıanyń joǵalýyna jol bermeıik, almatylyqtar" dep jazdy depýtat jelidegi paraqshasynda.

"Qamshy" silteıdi
Ilmek sózder: Bolat Nazarbaev

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir