BJZQ 2023 jyly qordan alýǵa bolatyn somanyń jetkilikti shegin jarııalady

Zeınetaqy jınaqtarynyń 2023 jylǵa belgilengen eń tómengi jetkiliktilik shegi jarııalandy. Jetkilikti shektiń kólemi jas mólsherine baılanysty 3-ten 10 mıllıon teńge arasynda bolady. 

"2023 jylǵa eń tómengi jalaqy 70 myń teńgeni, eń tómengi zeınetaqy 53 076 teńgeni, memlekettik bazalyq zeınetaqy tóleminiń eń tómengi mólsheri 24 341 teńgeni, eń tómengi kúnkóris deńgeıi 40 567 teńgeni quraıdy dep kózdelgen. Shekti mánderdi esepteý kezinde eskeriletin basqa da áleýmettik mańyzdy kórsetkishterdiń de mólsheri kóterildi" dep habarlady BJZQ ókilderi.

Jas mólsherine baılanysty eń tómengi jetkilikti shek týraly tolyq aqparat tómendegi kestede usynylǵan.

Bekitilgen ádistemege sáıkes, eń tómengi jetkilikti shek shamalary ár jas mólsheri úshin jeke anyqtalyp, bolashaq zeınetaqy tólemderi men zeınetaqy jarnalarynyń ósýi (ındekstelýin) eskerilgen.