Foto: Zakon.kz
Jeńildetilgen avtonesıe baǵdarlamasy arqyly kólik satyp alý qarasha aıynda qaıta jalǵasyn tabady. Nesıe tóleminen qaıtqan aqsha esebinen 2023 jyly 2 myń kólik satý josparlanyp otyr.
"Qazir bizdiń azamattarymyz jańa kóliktiń nesıesin tólep jatyr. Bul aqsha keıin jańa nesıe berýge jumsalady. Osylaısha qarjyny aınalymǵa túsirip, keler jyly 2 myń kólik satý josparda bar", – dedi Indýstrııa jáne ınfraqurylymdyq damý mınıstri Qaıyrbek О́skenbaev.
Degenmen, qazaqstandyqtaryń suranysy budan áldeqaıda joǵary. Soǵan baılanysty, zańgerler kólik naryǵyndaǵy baǵany memleket retteýi kerek ekenin aıtady. Olar bul rette on jyldan asqan mashınany qymbatqa satýǵa ruqsat bermeıtin AQSh tájirıbesin alǵa tartady.
"О́zbekstan ózderiniń zaýyttaryn qurdy. Basynda tek jınaı bastady, sodan keıin tolyq óndiristi qamtamasyz etti. Búkil eldi ózbekstandyq kólikterge otyrǵyzdy. Somasy úlken memlekettik baj qoıý arqyly ózge elden eski mashınalardy kóp kirgizgen joq. Biren-saran Toıota, biren-saran Mersedes kólikterin kórip qalamyz. О́zbekstan óziniń dittegen maqsatyna osylaı jetti, al biz ilese almaı qaldyq", – deıdi zańger Baýyrjan Ahmetjan.
Qazaqstandyq avtobıznes qaýymdastyǵynyń dereginshe, bıyl respýblıkada 71 myńdaı jeńil avtokólik qurastyrylǵanymen, baǵa 19% qymbattaǵan. Buǵan álem ekonomıkasynyń álsireýi men kúrdeli geosaıası jaǵdaı sebep bolǵan.
Derekkóz: Astana.tv arnasy
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir