Álııa Nazarbaevanyń burynǵy hatshysyna izdeý jarııalandy

Antıkor "О́KM Operatory" JShS-niń burynǵy quryltaıshysyna izdeý jarııalady. Bul týraly vedomstvanyń baspasóz qyzmeti habarlady. 

"Qylmystyq is aıasynda 2017-2018 jyldar aralyǵynda Ekologııalyq kodekstiń talaptaryn buza otyryp, oǵan 920 mıllıon teńge mólsherinde dıvıdend túrinde zańsyz tólengen kádege jaratý alymynyń aqshalaı qarajatyn ıelengen "О́KM Operatory" JShS-niń burynǵy quryltaıshysy Mýktarova Shnar Ýralgazynovna kúdiktelýde. Shnar Mýktarovaǵa izdeý jarııalandy jáne oǵan qatysty sot "qamaýda ustaý" túrindegi bultartpaý sharasyn sanksııalady. Eger sizde onyń ornalasqan jeri týraly aqparat bolsa, Agenttiktiń kórsetilgen telefondaryna habarlaýyńyzdy suraımyz: call-sentr 1424; +7 (7172) 909 260, - delingen vedomstvo habarlamasynda.

Izdestirilip jatqan adamǵa qatysty málimet bergen adamǵa 4 000 aılyq eseptik kórsetkishke (12 mln 720 myń teńge) deıin syıaqy beriledi. 

Orda.kz aqparat kóziniń habarlaýynsha, Shnar Muqtarova О́KP Operator kompanııasynyń jalǵyz resmı ıesi bolǵanǵa deıin Qazaqstannyń tuńǵysh prezıdentiniń kenje qyzy Álııa Nazarbaevanyń hatshysy bolyp jumys istegen.