• USD 470.9

  • EUR 496.94

  • RUB 8.83

  • CNY 70.33

25 Maýsym, 04:19:00
Almaty
+15°

Májilis depýtattarynyń jalpyhalyqtyq referendýmdy túsindirý boıynsha óńirlerge sapary jalǵasýda.  Búgin «Aq jol» jáne «Qazaqstan halyq partııasy» fraksııasynyń depýtattary Mańǵystaý jáne Almaty oblystaryna bardy.

«Aq jol» Qazaqstannyń demokratııalyq partııasynyń tóraǵasy Azat Perýashev Mańǵystaý oblysyna baryp, «MAEK-Qazatom ónerkásip» ujymymen kezdesti.

Depýtat konstıtýsııalyq reformany iske asyrýdyń basty kepili halyq ekendigin tilge tıek etip, jalpyhalyqtyq referendýmda saılaý ýchaskelerine baryp, daýys berýge shaqyrdy.

Bul referendýmnyń saıası, tarıhı mańyzynan bólek áleýmettik, ekonomıkalyq mańyzy tereń. Biz jańa memlekettik basqarý modeline, jańa saıası júıege qadam basqaly otyrmyz. Bıliktiń úsh tarmaǵy arasynda ıaǵnı atqarýshy bılik, ókiletti organ jáne sot tarmaǵy arasyndaǵy qarym-qatynasty teńestirý. Memlekettik bılikti halyqqa jaqyndatý bul saıası naýqannyń basty maqsaty, – dedi Azat Perýashev.

Depýtattardyń óńirlerge sapary

Sonymen qatar búgin Qazaqstan halyq partııasynyń músheleri Erlan Smaılov, Ǵazız Qulahmetov jáne Aıjan Sqaqova Almaty oblysyndaǵy Tekeli qalasyna bardy. Onda depýtattar birqatar eńbek ujymymen zdesip, referendýmnyń mazmunyn, oǵan engiziletin ózgerister týraly baıandady.  

Atap aıtqanda, Tekelini jylýmen qamtamasyz etip otyrǵan TES-1-diń ujymynda 5 maýsymda ótetin jalpyhalyqtyq referendýmǵa qatysty túsindirý jumystaryn júrgizdi. Referendým halyqqa qoǵamdyq-saıası ómirge belsendi aralasýǵa múmkindik beretinin jáne ár adamnyń osy naýqanǵa qatysýy mańyzdy ekenin aıtty.

Saılaýdyń mańyzdylyǵyn eńbek adamy eki bastan uǵynady. Saparymnan baıqaǵanym, óz betimen qońyr tirlik keship, qaladan qashyq jerde ornalasqan eldi-mekenderdiń adamdary tatý, kópshil. Basty talaby – beıbit zaman men halyqtyń birligi, – dedi Ǵazız Qulahmetov.

Materıal «Aq jol» demokratııalyq partııasy men Qazaqstan halyq partııasynyń aqparaty boıynsha daıyndaldy

"Qamshy" silteıdi
Ilmek sózder: Referendým

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir