• USD 470.9

  • EUR 496.94

  • RUB 8.83

  • CNY 70.33

25 Maýsym, 05:26:26
Almaty
+15°

Foto: "AMANAT" partııasynyń Aqtóbe oblystyq fılıaly

Aqtóbe oblysyna is-saparyn shalǵaı aýyldardan bastaǵan májilis depýtattary, «AMANAT» partııasynyń respýblıkalyq shtabynyń músheleri Ǵalymjan Eleýov, Amanǵalı Berdalın «Qazhrom» Ultaralyq Kompanııasy» Aqtóbe ferroqorytpa zaýytyna bardy.

Onda depýtattar zaýyt ujymymen Konstıtýsııanyń el damýyndaǵy rólin jáne jańa Qazaqstandy qurýdaǵy konstıtýsııalyq reformanyń mańyzdylyǵyn talqylady.

Ǵalymjan Eleýov konstıtýsııalyq reforma qoǵamdy demokratııalandyrýdyń shynaıy qadamy ekenin aıtty. Depýtattyń pikirinshe, referendým sýperprezıdenttik modelden prezıdenttik respýblıkaǵa túpkilikti kóshý, birqatar bılik ókilettikterin qaıta bólý, Parlamenttiń róli men mártebesin kúsheıtý, halyqtyń eldi basqarýǵa qatysýyn keńeıtý, azamattardyń quqyqtaryn qorǵaýdyń konstıtýsııalyq tetikterin kúsheıtý sııaqty irgeli ózgeristerge jol ashady.

О́z kezeginde, Amanǵalı Berdalın referendýmdy óte mańyzdy saıası oqıǵa retinde qaraýǵa shaqyrdy.

Kezdesý barysynda ujym qyzmetkerleri referendýmǵa qoldaý bildirip, zańǵa engizilgen tolyqtyrýlar men túzetýlerdiń durys ekenin aıtty.

– Ata Zańǵa engiziletin túzetýler qatarynda jerdi, onyń qoınaýyn, sýdy, ósimdikter men janýarlar dúnıesin, basqa da tabıǵı resýrstardy halyq menshigi dep jarııalaý qarastyrylǵan. Meniń kókeıime qonǵan osy ózgeristerdi zańmen bekitý úshin referendýmǵa baramyn. О́ıtkeni bul bizdiń daýsymyzben, sheshimimizben júzege asyrylady, – dedi kompanııadaǵy bastaýysh partııa uıymynyń tóraǵasy Amanjol Úmbetov.

Sonymen qatar jıynda ujym músheleri zeınet jasyn tómendetý múmkindigi týraly óz usynystaryn jáne basqa da birqatar ózekti máseleni jetkizdi.

Aıta ketý kerek, májilis depýtattary Sergeı Sımonov, Ǵalymjan Eleýov, Amanǵalı Berdalın buǵan deıin Oıyl, Muǵaljar, Qarǵaly, Qobda, Hromtaý, Áıteke bı aýdandarynda boldy.

"AMANAT" partııasynyń Aqtóbe oblystyq fılıaly

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir