Kúndelikti ómirdegi gaz qaýipsizdigi erejeleri

Jeke sektor halqynyń basym bóligi gaz ballondaryn paıdalanady. Gaz ballonndaryń jarylysynyń saldarynan bolatyn oqys oqıǵalar, ásirese qys mezgilinde temperatýranyń tómendeý saldarynan arta túsedi.

Kúndelikti ómirdegi gazdy paıdalanýdaǵy qaýipsizdiktiń negizgi erejelerin saqtaý siz ben sizdiń otbasyńyzdyń qaýipsizdigi úshin óte mańyzdy. Olaı bolsa tómendegi qarapaıym qaýipsizdik erejelerine nazar aýdaryńyzdar! 

• ballondardy toltyrýdy tek mamandandyrylǵan pýnktterde ǵana júzege asyryńyzdar;
• sılındrdi sýyqtan jylýǵa ákelmeńiz jáne jylý kózderine jaqyn qoımańyz;
• ballondy aýystyrar aldynda jańa jáne paıdalanylǵan ballondardyń krandary jabyq ekenine kóz jetkizińiz
• gaz qurylǵylaryn qosý kezektiliginiń erejelerin saqtańyz:
• tekserilmegen balondy paıdalanbańyz;
• as daıarlaý barysynda gaz qurylǵysyna suıyqtyń tógilip ketpeýin qadaǵalańyz. Qyzdyrǵyshtardy únemi tazalap turyńyz.

Jumystyń sońynda ballonnyń kranyn JABÝDY UMYTPAŃYZ.

Úı-jaıda gazdyń ıisi paıda bolǵan kezde gaz berý kranyn jabyp, tez arada jeldetý úshin terezeler men esikterdi ashyńyz. Mundaý jańdaıda ashyq otty paıdalanýǵa bolmaıdy jáne elektr qurylǵylardy múmdem qospańyz.

Tótenshe jaǵdaı oryn alǵan boıda 101, 104 nemese 112 telefondaryna qońyraý shalyńyz!

Qaýipsizdik erejelerin saqtańyz jáne qaýipsiz ómir súrińiz!