• USD 468.56

  • EUR 497.56

  • RUB 7.3

  • CNY 67.18

09 Aqpan, 07:33:59
Almaty
-1°

30 Qarasha, 2021 Barlyq aımaqtar

Bul ózgeris salyq tólemeıtinderge arnalǵan

Mobıldi aýdarymdarǵa salyq salý týraly túrli áńgime-qaýeset tarap jatqany shyndyq. Qazir ekiniń biriniń qoldanatyny kaspi bolǵan soń, kaspi aýdarymdaryna salyq salynady eken dep shyǵaryp alǵandary jáne bar.

Foto: Ashyq derekkóz

Bul zań ázirge qabyldanǵan joq, qabyldanǵan jaǵdaıda barlyq bankterdiń mobıldi qosymshalaryndaǵy aýdarymdarǵa qatysty. Jeke adamdardyń bir-birine aýdarymdaryna salyq ta salynbaıdy, qadaǵalanbaıdy da.  Al jeke adamdardyń kásipkerlik qyzmet ne taýar aqysy úshin aýdarym arqyly jasaǵan tólemi baqylanady, salyq tóleýdi talap etedi.

Kez-kelgen adam uıaly qosymsha arqyly aýdarym jasasa salyq ustalady eken degen jańsaq pikir. Aǵaıyn-týysqa, dos-jaranǵa burynǵydaı aýdarym jasaı beresiz. Ol úshin sizden eshkim eshteńe suramaıdy.

Bul ózgeris tek mobıldi qosymshadaǵy aýdarym qyzmetin paıdalanyp, ózderi paıda taýyp, biraq salyq tólemeıtin kásipkerlerge qatysty. Kásipkerler (dúkender men býtıkter ıesi, taksıster t.b.) qolma-qol aqshamen ǵana alamyz dep jatyr. Olar qolma-qol aqshaǵa  kóshsek salyq tólemeımiz dep oılaıdy. Bul qate pikir. Qolma-qol tólemge de salyq salynady. Kez-kelgen kásipkerlik qyzmetten túsken tabysqa salyq salynýy kerek. Tólem aqysyn qolma-qol ne onlaın alsa da, kásipker tólem túbirtegin berýi kerek. Kásipker qolma-qol ǵana alam dese túbirtek berýdi talap etińiz. Qarsylyq tanytsa, salyq organdaryna shaǵymdana alasyz. Sol arqyly bıýdjetke túsim túsiresiz, kóleńkeli aqshany aınalymnan shyǵarasyz. Osy zańǵa ózgeris enýiniń  maqsaty da sol, kóleńkeli aqshany aınalymnan shyǵarý.

Tólem qabyldaıtyn adam, tólemaqy qabyldaýǵa arnalǵan arnaıy qurylǵy alyp júrý kerek emes. Bar bolǵany uıaly telefonyna bızneske arnalǵan Kaspi Pay ornatsa boldy. Sol arqyly óz bıýdjetin basqaryp, kiris-shyǵysyn kóre alady, qarjylyq, kásipkerlik saýatyn arttyrady.

Zat satyp alý kezinde aýdarym arqyly tólese +3% surap jatqandardy zańsyz. О́ıtkeni,  bul zań áli kúshine enbegen zań. Kásipkerlerdi eshkim áli baqylap jatqan joq.  Bir jaǵynan  kásipkerler mıkro, shaǵyn bıznes boıynsha  2023 jylǵa deıin salyqtan jeńildik alǵan.

Kaspi Gold-pen tólem qabyldanbaıdy degen aqparat ta jalǵan aqparat. Kez-kelgen jerde Kaspi Gold-pen tólem qabyldanady. Tek kásipkerler jańa ózgeristerdi ózderine tıimsiz sanap aýdarym arqyly tólem qabyldamaı júrgen bolýy kerek.

Qarjy mınıstrliginiń ókili Oljas Otardyń dereginshe, mobıldi qosymshalar arqyly byltyr 35 trln teńge aınalymda júrgen. Bıyl bul soma 43 trln teńgeni quraıdy. Mine, osy trıllıondardan salyq alynsa, ol bıýdjetke túsedi, bıýdjettegi aqsha halyqtyń jaǵdaıyn jaqsartý úshin jumsalady. Sonda siz de bıýdjetke salyq túskenin qalamaısyz ba?..

«Salyqtan qorqýdyń qajeti joq. Qarapaıym halyqtyń alańdaýǵa jóni joq. Mysaly bir kásipkerge bir kúnde 50-100 ret aýdarym jasalǵan bolsa, arnaıy baqylaıtyn bolamyz. Iаǵnı, úzdiksiz aqsha túsip tursa baqylaý jasalynady. Habarlama jiberiledi, birden salyq tóle demeımiz. El shýlady eken dep salyqtan jaltarýǵa úles qospaýymyz kerek. Jalpy kez-kelgen salada qoǵamdyq baqylaý bolmaı, damymaımyz. Zań bárine ortaq. Sosyn bul ózgeriske qarsy shyǵý – kóleńkeli ekonomıkany qoldaý», – deıdi QR Qarjy mınıstrliginiń Memlekettik kirister komıtetiniń О́ndiristik emes tólemderdi ákimshilendirý basqarmasy basshysynyń orynbasary Oljas Otar.  

 

 

Elenora Ámir

Avtormen onyń Facebook paraqshasy arqyly habarlasýǵa bolady.

Jazylyńyz

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir