Kórneki sýret
Elbasynyń Reseı Federasııasyna jumys sapary aıasynda talqylanǵan máseleniń biri Qazaq halqy úshin kıeli sanalatyn Kenesary hannyń súıegin izdestirý jáne ony Qazaqstanǵa qaıtarý taqyryby boldy. Bul týraly elbasy keńesshisi ári baspasóz hatshysy Aıdos Úkibaev málim etti.
"Kelissózder barysynda Nursultan Ábishuly Reseı prezıdentinen osy proseske kómek kórsetýin surady. Elbasy qazaqtyń sońǵy hanynyń súıegi óziniń týǵan jerinde jerlenip, rýhynyń tynysh tabýy qazaq halqy úshin asa mańyzdy másele ekenin aıryqsha atap ótti. Vladımır Vladımırovıch Pýtın tuńǵysh prezıdentti Reseı tarapynyń bul máselede jan-jaqty kómek kórsetetinine sendirdi. Pýtınniń sózine qaraǵanda, artefakt tabylady jáne Qazaqstan halqyna qaıtarylady" delingen Úkibaev habarlamasynda.
Buǵan deıin Tarıh jáne etnologııa ınstıtýtynyń dırektory Zııabek Qabyldınov Kenesary hannyń bas súıegi tabylǵanyn aıtyp, halyqtan súıinshi suraǵan. Artynsha, onyń qaıda ekenin aıta aımaıtynyn málim etken. Al tarıh ǵylymdarynyń doktory, akademık Hangeldi Ábjanov Qamshy portalyna bergen suhbatta Qabyldınov málimdemesi asyǵystyq bolǵanyn, mundaı másele memleket basshylar deńgeıinde sheshilýge tıis ekenin aıtqan.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir