Qazaqstanda 2020 jyly ólim-jitim kórsetkishi kúrt ósken

Byltyr Qazaqstanda 2019 jylǵy kórsetkishke qaraǵanda 30 myń adam artyq qaıtys bolǵan. Bul 21,8 paıyzǵa joǵary. Mundaı derekterdi energyprom.kz taldaý qyzmeti usyndy.

2020 jyly qańtar-jeltoqsan aıynda tynys alý joldary ınfeksııasynyń 610,5 myń jaǵdaıy tirkelgen, bul 2019 jylmen salystyrǵanda 13,2 paıyzǵa artyq. Onyń 82,6 paıyzy nemese 504 myń jaǵdaı qalalyq jerlerde, 17,4 paıyzy nemese 106,5 myńy aýyldyq jerlerde tirkelgen.

Densaýlyq saqtaý mınıstrliginiń resmı málimetteri boıynsha, 2020 jyldyń 13 naýryzynan 2021 jyldyń 15 naýryzyna deıin respýblıkada koronavırýstyń 225 685 (CVI +) jaǵdaıy anyqtalǵan. Onyń ishinde 2865 adam ólgen. 2020 jylǵy 1 tamyzdan bastap 2021 jylǵy 15 naýryzǵa deıin koronavırýs ınfeksııasynyń (CVI−) belgileri bar pnevmonııanyń 49 871 jaǵdaıy tirkelip, 652 adam qaıtys bolǵan.

Qazaqstanda koronavırýs statıstıkasyna qatysty áldeneshe ret daý shyqqan. Indet órshigin 2020 jylǵy maýsym-shilde aılarynda ólim-jitim kóbeıe tústi. Alaıda qaıtys bolǵandar koronavırýs statıstıkasyna qosylǵan joq. Bastapqyda pnevmonııaǵa shaldyqqandar men pnevmonııadan kóz jumǵandar da koronavırýs statıstıkasyna qosylmaı keldi. Másele týraly Qazaqstan jáne shetel baspasózi jaza bastaǵan soń ǵana prezıdent Toqaev statıstıkany retteýdi tapsyryp, 1 tamyzdan bastap koronavırýs statıstıkasyna pnevmonııany qosyp sanaı bastaǵan.