23 Aqpan, 2021 Áleýmet
Foto:kórneki sýret
Jambyl oblysynda órtten qaza tapqan balalardyń týystary halyqtan bolǵan oqıǵa jaıly sóz ete bermeýdi ótindi. Bul týraly KTK.KZ saıty habarlady.
Ábdimálikovter otbasynyń týystary oqıǵaǵa eshkimdi kinalamaıdy.
– Bolǵan jaǵdaı el turǵyndarynyń qabyrǵasyn qaıystyrǵany jasyryn emes. Úsh kúnnen beri qaıǵydan qan jutqan otbasyna jer-jerden kóńil aıtylyp jatyr. Biraq oqys oqıǵaǵa anasyn, qala berdi ákimdikti aıyptaýdan mezi boldyq, – dedi qaza tapqan balalardyń týystary.
Týystarynyń aıtýynsha, oqys oqıǵa bolǵan baspanada bes balasynan aırylǵan otbasy turmaıdy. Sol sebepti olar erli-zaıyptyny jańa úıge qonystandyrýdy uıǵarypty.
Qaraly otbasy moraldyq, psıhologııalyq kómek bolmasa, qarjylaı qoldaý qajet emesin aıtty. Alaıda jylý jınaýǵa nıet bildirgen kópshilikke alǵysyn bildirdi.
Ábdimálikovter otbasynyń týystary ózderiniń de erli-zaıyptyǵa baspana áperýge múmkindigi bar ekenin jetkizdi. Alaıda jas otbasyǵa demeýshiler páter áperetin boldy.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir