Foto: teatrdyń baspasóz qyzmeti

Nur-Sultan qalasy ákimdiginiń Mýzykalyq jas kórermen teatrynda F. Dostoevskııdiń "Uldar" dramasynyń premerasy ótti. Bul týraly teatrdyń baspasóz qyzmeti habarlady. 

Drama jazýshynyń 200 jyldyǵyna oraılastyrylyp, "Aǵaıyndy Karamazovtar" romanynyń jelisimen sahnalandy. Qoıýshy rejısseri – Ernazar Jańatilek.

"Uldar" – 1878-1880 jyldary jazylǵan "Aǵaıyndy Karamazovtar" romanyndaǵy IV bólimniń onynshy kitaby. Bul týyndyda adam ómiriniń negizgi máseleleri alǵa qoıylǵan. Ár adamnyń ómiri men búkil adamzat tarıhynyń máni, adam bolmysynyń moraldyq jáne rýhanı negizderi týraly máseleler qarastyrylady.

Bizdiń mýzykalyq jas kórermen teatrynyń 2021 jyldaǵy alǵashqy premerasy F.Dostoevskııdiń "Uldar" spektaklimen shymyldyǵyn túrgeli tur. Elimizdiń shyǵys óńirinde izi qalǵan, Shoqannyń dosy bolǵan qalamgerdiń týyndylary qazaq teatrynda buryn-sońdy qoıylmaǵan. Dostoevskıı shyǵarmalary qazaq kórermenine alǵash ret jol tartyp otyr. Rejısserdiń de bul debıýttik qoıylymy. Bir atap óterligi, romannyń tórtinshi bóliminiń 10-kitaby "Uldar" dep atalady. Dramanyń negizine dál osy taraý alynǵan. Al qazaq tiline Aınur Omash tárjimalady, – dedi teatr dırektory, Qazaqstannyń eńbek sińirgen qaıratkeri Ashat Maemırov.

Atalmysh qoıylym jasóspirimder ómirinen kórinis beredi. Olardyń adamǵa, qoǵamǵa, qorshaǵan ortaǵa degen kózqarastary, kúndelikti ómirdegi bir-birimen qarym-qatynastary baıandalyp, onyń ishinde dostyq máselesine asa mán berilgen. Bul ár zamanda ózektilikke ıe taqyryp. О́ıtkeni qazir de, buryn da jasóspirimder adal dostyqtyń ıesi nemese, kerisinshe, amal dostyqtyń qurbany bolyp jatady. Ol balalyq psıhologııanyń sheńberi bolǵanymen, jasóspirimder ǵana emes, eresek adamdarǵa da oı salatyn kórkem sheshimderge qurylǵan qoıylym.

Teatrdyń baspasóz qyzmetinen

Dramada gımnazııadaǵy birneshe kadet oqýshylarynyń ómirin kórsete otyra, Alekseı Karamazovtyń kelbetine barynsha sholý jasalǵan. Alekseı Karamazov – din qyzmetkeri, aǵaıyndylardyń ishinde eń meıirimdi, adamgershilik qasıeti mol, aqylgóı jan retinde sıpattalady. Alekseı Karamazovtyń rólin somdaǵan teatrymyzdyń jas akteri – Abzal Arapov.

Qoıylymdaǵy negizgi keıipkerdiń biri – Ilıýsha Snegırev. Ilıýsha názik jandy momyn bozbala retinde sýretteledi. Kóptegen qıyndyqtardy basynan ótkizedi. Ol zamandastaryna erip balalyqpen aýladaǵy ıttiń birine nannyń jumsaǵyna ıne qadap beredi. Sol ıttiń qınalǵanyn kórgen ol istegen isine ókinip, qusalyqpen qurt aýrýyna shaldyǵyp ómirden ótedi. Aıanyshty taǵdyrdy teatrymyzdyń jas akteri – Elaman Imanbaev shynaıy jetkize bildi.

Al eki synyp joǵary oqıtyn bozbala – Nıkolaı Krasotkınniń rólin somdaǵan teatr akteri, "Daryn" Memlekettik jastar syılyǵynyń laýreaty Asylhan Tólepov. Drama sıýjeti boıynsha Nıkolaı basynda balalarmen bástesip, poıyzdyń jolyna jatyp, óziniń ójettigin dáleldegisi keledi. Biraq, bul isiniń durys emes ekendigin kórsetip, ony eshkimge aıtpaýyn, osy jerde qalýyn surap, bástesken balalardyń sertin alady. Ol jas bolsa da óziniń aqyldylyǵymen óz qatarynan daralanyp, ózgeshelenedi.

Sonymen qatar spektakldegi eń aıqyn beıneler – kadet oqýshylary. Árqaısysynyń boıynsha ózindik minez qalyptasqan. Olar balalyqtyń izine erip, Ilıýshany biraz renjitip, qatygezdik tanytty. Alaıda sıýjet sońynda jasóspirimder óz qatelikterin túsinip, Ilıýshadan keshirim suraıdy. Kadet oqýshylary rólinde – Shalqar Muraltaı, Ernar Muhambet, Azamat Bolatov, Jasulan Abdrahman, Imanǵalı Aqádil, Maǵjan Omar, Bıbol Baıǵaraev boldy.

"Uldar" dramasynyń premerasyn ótkizý barysynda kórermen sany shektelip, bekitilgen barlyq sanıtarlyq normalar saqtaldy.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir