08 Jeltoqsan, 2020 Áleýmet
Foto: ákimdiktiń baspasóz qyzmeti
Almaty qalasynyń ákimi Baqytjan Saǵyntaevtyń ókimimen Ǵanı Maılybaev Almaty qalasy Mádenıet basqarmasynyń basshysy qyzmetine taǵaıyndaldy. Bul týraly ákimdiktiń baspasóz qyzmeti habarlady.
Ǵanı Maılybaev 1987 jyly 10 qyrkúıekte týǵan.
Abaı atyndaǵy Qazaq ulttyq pedagogıkalyq ýnıversıtetin, RF-sy prezıdentiniń janyndaǵy halyq sharýashylyǵy jáne memlekettik basqarý akademııasyn támamdaǵan.
Eńbek jolyn 2008 jyly Almaty qalasyndaǵy "Nur Otan" partııasynyń Bostandyq aýdanyndaǵy fılıalynyń statıstıkalyq esep sektorynyń meńgerýshisi – bas býhgalteri bolyp bastaǵan.
Túrli jyldary Almaty qalasyndaǵy "Nur Otan" partııasynyń Alataý aýdandyq fılıalynda zańger-keńesshi, konsýltant bolyp jumys istegen.
2014-2015 jyldar aralyǵynda Almaty qalasyndaǵy "Nur Otan" partııasynyń Medeý aýdandyq fılıaly tóraǵasynyń birinshi orynbasary boldy.
2015 jyldan 2019 jyl aralyǵynda Almaty qalasy Medeý aýdany ákiminiń orynbasary qyzmetin atqardy.
2019 jyldan 2020 jyl aralyǵynda Almaty qalasy Naýryzbaı aýdany ákiminiń orynbasary boldy.
Búgingi taǵaıyndaýǵa deıin ol Jambyl oblysy ákimdiginiń Týrızm basqarmasynyń basshysy bolyp jumys istegen.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir