Altaı Kólginov: Marqumnyń otbasyna kómek kórsetiledi

Nur-Sultan qalasynyń ákimi Altaı Kólginov gaz ballony jarylǵan dámhanadaǵy órtten qaza bolǵan qyzdyń otbasyna kóńil aıtyp, kómek kórsetiletinin atap ótti. Bul týraly ol Instagram paraqshasynda jazdy.

– Gaz ballon jarylǵan kezde bólmede bolǵan qyzdyń otbasy men týystaryna kóńil aıtamyn. Marqumnyń otbasyna kómek kórsetiledi. Tótenshe jaǵdaıdy tergeý úshin arnaıy komıssııa quryldy, – dedi qala ákimi.

Ol psıhologııalyq jáne aqparattyq qoldaý kórsetý úshin jedel shtabtyń qurylǵanyn (24-51-71, 24-51) aıtty.

Qala basshysy tótenshe jaǵdaılar jáne polısııa departamentine qaladaǵy basqa da qoǵamdyq tamaqtaný nysandaryn órt qaýipsizdigi erejeleriniń saqtalýyn tekserýdi tapsyrdy.

Buǵan deıin Nur-Sultandaǵy dámhanalardyń birinde gaz ballony jarylyp, 1 adamnyń qaza bolǵany habarlanǵan.