10 Qarasha, 2020 Barlyq aımaqtar
Armenııa prezıdenti Qarabah kelisimin BAQ-tan bilgen
10 qarashada Taýly Qarabah soǵysy toqtatyldy.
Foto: a1plus.am
Armenııa prezıdenti Armen Sarkısıan Reseı men Ázerbaıjannyń Qarabahqa qatysty kelisimi týraly BAQ-tan bilgen, dep jazady Qamshy.kz aqparat agenttigi Sputnik Armenııaǵa silteme jasap.
Sarkısıan atalmysh másele boıynsha eshqandaı kelissózge, talqylaýǵa qatyspaǵanyn aıtady. Qarabah ultaralyq jaǵdaı bolǵandyqtan oǵan qatysty kelissózderdiń barlyǵy birge talqylanýy qajet ekenin jetkizdi.
Saıasatker Qarabah taǵdyry armıandardyń ulttyq qyzyǵýshylyǵy men kelisimimen qabyldanýy kerek ekenin aıtady.
10 qarashada Armenııanyń premer-mınıstri Nıkol Pashınıan, Ázerbaıjan prezıdenti Ilham Alıev jáne Reseı prezıdenti Vladımır Pýtın Taýly Qarbahtaǵy soǵysty toqtatý týraly sheshim qabyldaǵan.
Taýly Qarabah qaqtyǵys 27 qyrkúıekte shıelenisken. Ázerbaıdan men Armenııa úsh ret oq atýdy toqtatý týraly kelisimge kelgen, biraq úsheýinde de kelisim oryndalmady.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir