Erjan Babaqumarov Almatynyń qalalyq BAQ-yn úgit-nasıhat sharalaryn taratýda saılaý zańnamasy men teńdigin saqtaýǵa shaqyrdy

Almaty qalasy ákiminiń orynbasary Erjan Babaqumarov «Alatay Aqparat» JShS-ne kiretin «Almaty Aqshamy» jáne «Vechernıı Almaty» gazetteriniń redaksııasynda boldy.

Basylymdardyń bas redaktorlarymen jáne ujymdarymen kezdesýi barysynda aǵymdaǵy máseleler jáne gazettiń damý jospary talqylandy. Erjan Babaqumarov, sonymen birge, medıaholdıngtiń materıaldyq-tehnıkalyq bazasymen tanysty.

«Alatay Aqparat» JShS bas dırektory Tilemis Qulmuhamedovtyń aıtýynsha, gazettiń sıfrly quraldaryn damytý, onyń ishinde, mýltımedıalyq portaldy, mobıldi qosymshalardy, áleýmettik pablıkter jáne basqa da zamanaýı medıa-formattardy damytý boıynsha jumystar júrgizilýde. Bul qalalyq gazetterdi oqyrmandar qyzyǵýshylyǵyn jáne jedel aqparattyq jumysty jańa deńgeıine shyǵarýǵa múmkindik beredi.

E. Babaqumarov pandemııa kezinde COVID-19 jaıylý qaýpine qarsy turǵan jergilikti atqarýshy organdardyń, dárigerlerdiń, sanepıdemıologtardyń, polısııa qyzmetkerleriniń jumysyn jaryqqa shyǵaryp baıan etken jýrnalıstterdiń jumysyn atap ótti. Búgingi kúni baspa qala turǵyndaryn profılaktılalyq jáne emdeý sharalary týraly, sondaı-aq pandemııanyń bolýy yqtımal ekinshi tolqyny jóninde de shuǵyl aqparattardyryp otyr.

Ákimniń orynbasary E.Babaqumarov Memleket basshysy jarııalaǵan Májilis pen máslıhatqa saılaý kezeńinde BAQ jumysynyń mańyzdylyǵyn atap ótti, jáne barlyq qatysýshylardyń úgit-nasıhat sharalaryn taratýda saılaý zańnamasy men teńdigin saqtaýǵa shaqyrdy.

«Vechernyı Almaty» gazeti 1936 jyldyń 28-sáýirinen bastap basylýda,«Almaty Aqshamy»-nyń birinshi nomeri 1988 jyly jaryq kórdi.