KFC álemde birinshi bolyp jasandy etti qoldanysqa engizbek

Jas ǵalym, hımık Jeksen Toqtarbaı Qamshy tilshisine KFC kompanııasy endi "bolashaqtyń restorany" bastamasymen laboratorııada óndirilgen jasandy etterdi qoldanysqa engizgeli jatqanyn aıtty.

Onyń sózinshe, jasandy et taýyqtyń jasýshalary arqyly laboratorııada jasalyp, ary qaraı̆ 3D bıoprınterdiń kómegimen nagetterge (súı̆eksiz et) aı̆naldyrylady. Osylaı̆sha, KFC kompanııasy álemde birinshi bolyp taýyqtyń jasandy etterin qoldanysqa engizbek.

– AQSh-nyń taǵam óndiretin áı̆gili kompanııasy jasandy et óndiretin jer retinde Máskeýdi tańdapty. Olar 2013 jyly qurylǵan Reseı̆degi eń úlken medısına kompanııasymen birlesip, 3D eritindili-bıoprınter kómegimen laboratorııada jasalǵan etti taýyqtyń nagetterine aı̆naldyryp, taratpaqshy. Reseı̆lik kompanııa KFC-den úlken tapsyrys alǵanyna qýanyp ketse kerek, "jasandy taýyq eti 2020 jyldyń kúzinde-aq KFC restorandarynda paı̆da bolady" dep ýáde berip otyr. Bıoprınter kompanııasynyń basshysy kásipker – Iýsýf Qesýanı, –  deıdi ol.

Ǵalymnyń aıtýynsha, KFC-diń Reseı̆ jáne TMD elderi boı̆ynsha dırektory Raı̆sa Polıakova jasandy et jasaýda ozyq tehnologııa qoldanylatynyn aıtqan.

Hımık jasandy et jasaýdyń qajettiligin bylaı dep túsindirdi.

– Álemdi bıleýshiler jer shary, ekologııany basty orynǵa qoıady. О́ıtkeni jer shary olardyń urpaqtary úshin ómir súrýge qajet. Zertteýler kórsetkendeı tórt túlik mal álemdik jylynýǵa ákelip soǵatyn gazdy taratýdan 4-orynda turady eken. Al gaz shyǵaratyn janýarlar etiniń ornyna jasandy et paıdalanylsa, álemdik jylynýǵa ákeletin gaz 96 paıyzǵa deı̆in tómendeıdi. Jer 99 paıyzǵa az paı̆dalanylyp, sý 96 paıyzǵa únemdeledi. Biraq jasandy ettiń ázirge densaýlyqqa áseri tolyq zerttelgen joq. Múmkin zertteýge tyı̆ym salynatyn da shyǵar, – dep atap ótti Jeksen Toqtarbaı.