Almatyda COVID-19-ǵa test tapsyrý kezinde sertıfıkattalǵan reagentter paıdalanylady

Almaty qalasynda koronavırýs ınfeksııasynyń taralýyn boldyrmaý jónendegi komıssııa koronavırýs ınfeksııasyn anyqtaýǵa arnalǵan test tapsyrý barysynda reagentterden aýrý juǵý qaýpi joq dep resmı túrde habarlaıdy.

Áleýmettik jeliler men messendjerlerde taralyp jatqan Almatyda oryn alǵan, aýrý juǵypty-mys degen aqparat shyndyqqa janaspaıdy.

– Koronavırýs ınfeksııasyna test tapsyrý kezinde tek sertıfıkattalǵan reagentter paıdalanylady. Koronavırýsty dıagnostıkalaý máselesi erekshe baqylaýǵa alynǵan. Biz provokasııa men alyp-qashpa áńgimelerdiń sońynda ketpeı, resmı aqparat kózderine júginýdi suraımyz, – dep atap ótti Komıssııa tóraǵasy, Almaty qalasy ákiminiń orynbasary Erjan Babaqumarov.

Qazirgi ýaqytta Almaty qalasynda COVID-19-dy anyqtaý testin júrgizetin 7 zerthana (Ulttyq saraptama ortalyǵy, Sanıtarlyq-epıdemıologııalyq saraptaý jáne monıtorıng ǵylymı-praktıkalyq ortalyǵy, M.Aıqymbaev atyndaǵy asa qaýipti ınfeksııalar ulttyq ǵylymı ortalyǵy, Ortalyq referens-zerthana, Medical Partners Korea Clinic qazaqstandyq-koreılik klınıkasy, «Olımp» KDZ, «Atakent» QIQO aýmaǵyndaǵy modýldi keshen) qyzmet etip jatyr.

Saraptama tapsyrýdyń barlyq pýnktterinde osy baǵyttaǵy jumystardy retteıtin sanıtarlyq erejelerdiń talaptary saqtalady, qyzmetkerlerdiń bıologııalyq qaýipsizdikti qatań saqtanýy barlyq júrgiziletin prosedýranyń kepili bolyp tabylady. О́z kezeginde, test júrgizý úshin paıdalanylatyn reagentter tekserýdiń barlyq kezeńderinen ótti, sonyń nátıjesi boıynsha, jumysta ony tek QR-da ǵana emes, búkil álim boıynsha qoldanýǵa ruqsat etilgen. Tańdap alý sterıldi, bir rettik materıalmen (zondtarmen) jasalady, olar paıdalanylǵannan keıin belgilengen erejeler sáıkes paıdaǵa (kádege) asyrylady. Qaıtadan paıdalanýǵa jol berilmeıdi.

QR bas memlekettik sanıtar dárigeriniń Qaýlysyna sáıkes, referens-zerthanalardyń mamandarymen jasalyp jatqan zertteýlerdiń monıtorıngtik baqylaýy (vızıty) júrgizilýde.

Komıssııa óz tarapynan COVID-19-ǵa tekserý boıynsha halyqqa qyzmet kórsetetin jekemenshik zerthanalardyń basshylaryn karantındi kúsheıtý kezindegi sharalardy uıymdastyrý men baqylaý týraly: maska taǵý rejıminiń, kezekte áleýmettik qashyqtyqtyń, naýqastardyń aldyn ala jazylýy, zertteý júrgizý úshin qan tapsyrý kólemin bólýdi qosymsha eskertedi.

Almatydaǵy jaǵdaı bıliktiń baqylaýynda.