Tótenshe jaǵdaı kezinde ulttyq qordaǵy aqsha kóbeıgen

Tótenshe jaǵdaı kezinde Ulttyq qordyń aktıvteri 1,1 mıllıard dollarǵa ulǵaıyp, 58,5 mıllıard AQSh dollaryna jetken. Bul týraly bas bankır Erbolat Dosaev úkimet otyrysynda habarlady. 

"Sáýir aıynda Ulttyq qordyń aktıvteri 1,1 mıllıard dollarǵa ulǵaıyp, 58,5 mıllıard AQSh dollaryna jetti. Aktıvter negizinen aksııalar naryǵy naýryzda tómendegennen keıin ınvestısııalyq kiris esebinen ishinara qalpyna kelýi nátıjesinde ósti. Qazaqstannyń halyqaralyq aktıvteri bir aıda 2,1 prosentke ósip, 89 mıllıard AQSh dollaryna jetti.Aldyn ala derekter boıynsha sáýir aıynda ulttyq banktiń altyn-valıýta rezervteri, negizinen, altyn portfeliniń ósýi esebinen 30,5 mıllıard AQSh dollaryna deıin, 2,4 prosentke nemese 700 mıllıon AQSh dollaryna ulǵaıdy. Baǵaly metall baǵasy 7 prosentke ósti", - dedi Erbolat Dosaev.