Aqshuqyr aýylynda 600 oryndyq jańa mektep ashylady

Mańǵystaý oblysynyń ákimi S.Trumov Túpqaraǵan aýdanyna jumys saparymen bardy. Aldymen Aqshuqyr aýylynda qurylysy salynyp jatqan 600 oryndyq mekteptiń jumysymen tanysty. Jańa úlgide salynyp jatqan bilim ordasynyń qurylysy 2019 jyldyń maýsym aıynda bastalǵan. Qurylys júrgizýshi «Alıans LTD» JShS josparǵa saı aǵymdaǵy jyldyń maýsym aıynda aıaqtaýdy josparlap otyr. Ákim nysannyń sapasyna asa mán berýdi tapsyrdy. Budan keıin Túpqaraǵan aýdanynyń ákimi Aqshuqyr aýylyn abattandyrý boıynsha jasalyp jatqan jumystar týraly baıandap, birqatar nysandardy kórsetti. Aımaq basshysy aýdanǵa qarasty S.Shapaǵatov aýylyna da bardy. Onda 6 oramǵa ınjenerlik ınfraqurylym tartý jumysymen tanysty. S.Shapaǵatov aýylynda suıyqqoıma jáne seloishilik sý qubyryn salý jelileri men jańa turǵyn úılerdi gazben qamtý qurylysynyń 2 kezeńi júrgizilip jatyr. Osydan keıin oblys ákimi «AktaýAgro» JShS qus fabrıkasynyń qurylysymen jáne sý qubyrlarymen jabdyqtaý jumystarymen tanysty. 50 ga jerge salynyp jatqan qus fabrıkasynyń jalpy quny 1 450 000 000 teńge. Bir mezette 36 000 qus ósirýge bolady. Joba maqsaty: aýdanda qońdy balapandar ósirý, óńdeý, soıý jáne daıyn qaptamadaǵy ónimdi naryqqa shyǵarý;

Oblys naryǵyna joǵary sapaly qus etin shyǵarý;
Shetten ákelinetin ımporttyq et ónimderin 30% ǵa qysqartý.
Sondaı-aq, oblys ákimi S.Shapaǵatov aýylynyń teńiz jaǵalaýyn abattandyrý boıynsha salynatyn demalys ornynyń jobasymen tanysty. Kesheniniń quny 133 947 myń teńge.

Sonymen qatar, aımaq basshysy Fort Shevchenko qalasynyń kireberisindegi blok beketke baryp, qazirgi ahýalymen tanysty. Bekette medısına, polısııa qyzmetkerleri belgilengen tártipke saı kúzetshilik jasaýda. Oblys ákimi qaýipti vırýstan saqtaný sharalaryn baqylaýda ustap, tártipti qatańdatýdy, turǵyndarmen aqparattyq –túsindirme jumystaryn júrgizýdi tapsyrdy.