Almaty qalasy ákimdiginiń baspasóz ortalyǵynda qalalyq Qoǵamdyq densaýlyq basqarmasy basshysynyń orynbasary Ásel Bısenbaeva BAQ ókilderine arnap onlaın brıfıng ótkizdi. Brıfıngte ol álemdi dúr silkindirgen indettiń bizdiń qalamyzdaǵy jaǵdaıyna toqtaldy.

Almatyda karantın bastalǵannan beri indetten kóz jumǵandar sany 2%-ǵa azaıdy. Ásel Bısenbaevanyń aıtýynsha, vedomstvo basshysynyń buıryǵymen ólim-jitimdi zertteý jónindegi komıssııa quryldy. Komıssııanyń negizgi mindeti – koronavırýstyq ınfeksııanyń adam ólimine sebep bolǵanyn anyqtaý.

Komıssııanyń quramyna Qoǵamdyq densaýlyq basqarmasy, Taýarlar men qyzmetterdiń qaýipsizdigin baqylaý jáne sapany baqylaý departamentiniń ókilderi, medısınalyq jáne beıindi mamandar, medısınalyq uıymdardyń bas dárigerleri kirgen.

Resmı statıstıkanyń málimetteri boıynsha, Almatyda koronavırýstyq ınfeksııamen kúreske baǵyttalǵan kúsheıtilgen is-sharalardyń júrgizilýi kezinde ólim-jitimniń ósimi bolmaǵan. Onyń ústine, kórsetkish 100 myń turǵynǵa shaqqanda birinshi toqsanda 6,6%-dy qurady. Bul kórsetkish ótken jylǵa qaraǵanda 2%-ǵa tómen.

– Qan aınalymy júıesi aýrýlarynan bolatyn ólim-jitim bizde 2%-ǵa, qaterli aýrýlar 5%-ǵa, jazataıym oqıǵalardan, qysym men jaraqattan bolǵan kórsetkish ótken jylmen salystyrǵanda 41,6%-dy (ótken jyly 43,8%) qurady, – dedi Ásel Bısenbaeva.

Ilmek sózder: Almaty koronavırýs

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir