Fransııada alǵash koronavırýs jeltoqsanda paıda bolǵan. Bul týraly Qamshy tilshisi BBC-ge silteme jasap habarlaıdy.

– 27 jeltoqsanda pnevmonııa dıagnozy qoıylǵan naýqasta is júzinde koronavırýs bolǵan, – deıdi fransýz dárigeri.

Doktor Iv Koen fransýz aqparat quraldaryna sol kezde alynǵan tampon jaqynda synalǵanyn jáne Covid-19 úshin oń nátıje bergenin aıtty.

Jeltoqsanda koronavırýs juqtyrdy delingen naýqas tolyqtaı saýyǵyp ketken. Alaıda vırýsty qaıda juqtyrǵanyn bilmeıtinin aıtqan. Onyń aıtýynsha, eshqandaı ınfeksııa aımaqtarynda bolmaǵan.

Bul jańalyq vırýstyń Fransııada jeltoqsanda paıda bolǵanyn bildiredi.

Osy ýaqytqa deıingi resmı málimet boıynsha, Fransııada koronavırýstyń alǵashqy úsh jaǵdaıy 24 qańtarda rastalǵan.

Naýqastardyń ekeýi Qytaıdaǵy Ýhan qalasynda bolǵan. Al úshinshisi – olardyń jaqyn týysqany.

 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir