Daily Mail
Koronavırýs qyrkúıek aıynan tarala bastaǵan bolýy múmkin, deıdi koronavırýstyń mýtasııasyn zerttegen brıtandyq ǵalymdar. Bul týraly Qamshy tilshisi brıtandyq Daily Mail gazetine silteme jasap habarlaıdy.
Kembrıdj ýnıversıtetindegi genetık Pıter Forster bastaǵan zertteýshiler tobynyń aqparatynsha, indet 13 qyrkúıek pen 7 jeltoqsan aralyǵynda bastalǵan bolýy múmkin.
Zertteýshiler koronavırýstyń úsh túrdegi vırýs A, V jáne S ekenin anyqtady. Doktor Forster bastaǵan ǵalymdar toby Ýhanda eń aldymen V tıpti vırýs taralǵan dep boljaıdy.
Brıtandyq ǵalymdar pandemııa bastalǵan jer Ýhan emes bolýy múmkin deıdi.
Kembrıdj ýnıversıtetiniń zertteýshiler toby vırýs juqtyrǵan alǵashqy adamdy anyqtaý úshin vırýstyń genetıkalyq tarıhyn kartaǵa túsirip, ony tabýǵa tyrysqan.
Newsweek-tiń habarlaýynsha, zertteýshiler vırýstyń genetıkalyq mýtasııasy men taralýynyń dıagrammasyn jasap shyqqan. Oǵan sáıkes, vırýs Qytaıdan Avstralııaǵa, Avstralııadan Eýropaǵa jáne álemniń basqa elderine taraǵan.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir