• USD 389.52
  • EUR 429.21
  • RUB 6.07
  • CNY 54.94
25 Aqpan, 17:43:48
Shyńjańdyq dúngen: Dereý qazaqtardan keshirim surańdar! (aýdıo)

06 Aqpan, 2020 Saıasat

Polısııa bastyǵy sottatqan erli-zaıypty belsendilerdiń úkimi ózgermedi

Ashyq derekkózden

6 aqpanda Mańǵystaý oblystyq sotynda Mańǵystaý aýdany polısııa bóliminiń bastyǵy Rashıd Qýandyqovtyń "jala japty" degen aryzymen alty aıǵa sottalǵan aqtaýlyq belsendi Jambyl Kóbeısinov pen onyń áıeli Dilbar Begjanovanyń ( alty aıǵa bas bostandyǵynan shektelgen) apellıasııalyq soty ótti. Oblystyq sottyń sýdıasy Azat Izbasarov erli-zaıyptalarǵa alǵashqy sot otyrysynda shyǵarylǵan sheshimdi ózgertken joq. Bul týraly Qamshy.kz aqparat agenttigine erli-zaıyptylardyń sotyna Almatydan arnaıy baryp qatysqan belsendi Besjan Tóleýbek habarlady. 

Onyń sózinshe, sýdıa erli-zaıyptylarǵa alǵash shyǵarylǵan sot sheshimi durys ekendigin aıtyp, ony ózgerissiz qaldyrýǵa úkim etken. Al sýdıa shyǵarǵan úkimge kelispegen Kóbeısinov pen Begjanovtyń qoldaýshylary narazylyq bildirip, sot zalynda "masqara" dep aıqaılaǵan. 

Besjan Tóleýbektiń aıtýynsha, sotqa Kóbeısinov pen Begjanovany qoldap jergilikti jáne Qazaqstannyń basqa aımaqtarynan kóptegen belsendi barǵan. Olar sot zalyna syımaǵandyqtan, tek on shaqtysy ishke kirgizilip, qalǵandary syrtta qalǵan. Sot otyrysynda foto, vıdeo túsirýge tyıym salynǵan.

О́tken jyly jeltoqsannyń 13-i kúni Mańǵystaý oblysy Munaıly aýdandyq soty 35 jastaǵy jergilikti turǵyn Jambyl Kóbeısinov pen onyń áıeli Dilbar Begjanovany Qylmystyq kodekstiń 130-babynyń 2-tarmaǵy ("buqaralyq aqparat quraldaryn nemese telekommýnıkasııalar jelilerin paıdalanyp jala jabý") boıynsha aıypty dep tanyǵan bolatyn. Erli-zaıyptynyń ústinen sotqa Mańǵystaý aýdany polısııa bóliminiń bastyǵy Rashıd Qýandyqov jeke shaǵym túsirgen. Sot sol kezde Kóbeısinovti jarty jylǵa abaqtyǵa qamap, Begjanovanyń bostandyǵyn alty aıǵa shekteýge úkim shyǵarǵan edi.

35 jastaǵy Jambyl Kóbeısinov - áleýmettik jeli arqyly bılikti synyp, Qazaqstandaǵy kóp balaly otbasylardyń, qazaq tiliniń máselesin kótergen belsendi. Jambyl Kóbeısinov pen Dilbar Begjanovanyń alty balasy bar. Olar Mańǵystaý oblysynyń Munaıly aýdanynda turady. Belsendiniń Youtube jelisinde arnasyna 30 myńa jýyq adam jazylǵan. Kóbeısinov ol arnasynda jergilikti bılik pen polısııanyń jumystaryn synap túsirgen vıdeolaryn jarııalaıtyn. 

О́tken jyly 30 jeltoqsanda quqyq qorǵaýshy Baqytjan Tóreǵojına óziniń Facebook paraqshasynda Qazaqstanda saıası tutqandardyń jańartylǵan tizimin jarııalady. Ol tizimde mańǵystaýly belsendi Jambyl Kóbeısinov ta bar. 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir