Buqaramen berik baılanys ornaýda

Qazaqstan Respýblıkasynyń Prezıdenti Qasym-Jomart Kemeluly Toqaev «Syndarly qoǵamdyq dıalog – Qazaqstannyń turaqtylyǵy men órkendeýiniń negizi» atty Qazaqstan halqyna Joldaýynda buqaramen berik baılanys ornatýǵa aıryqsha basymdyq bergen bolatyn. Osy oraıda Memleket basshysy: «Qoǵamdyq dıalog, ashyqtyq, adamdardyń muń-muqtajyna jedel nazar aýdarý memlekettik organdar qyzmetiniń negizgi basymdyqtary sanalady» dep erekshe atap ótti.

Sonymen qatar Qasym-Jomart Kemeluly «Kúshti Prezıdent – yqpaldy Parlament – esep beretin Úkimet» týraly aıa kele: .

«Biz bul maqsatqa áli de jete qoıǵan joqpyz. Sondyqtan osy baǵyttaǵy jumysqa bar kúsh-jigerimizdi salýymyz qajet.

Saıası júıeniń bul formýlasy memleket turaqtylyǵynyń negizi sanalady.

Azamattardyń barlyq syndarly ótinish-tilekterin jedel ári tıimdi qarastyratyn «Halyq únine qulaq asatyn memleket» tujyrymdamasyn iske asyrý – bárimizge ortaq mindet.

Bılik pen qoǵam arasynda turaqty dıalog ornatý arqyly ǵana qazirgi geosaıası ahýalǵa beıimdelgen úılesimdi memleket qalyptastyrýǵa bolady.

Sondyqtan azamattyq qoǵamǵa qoldaý kórsetip, onyń áleýetin nyǵaıta túsý kerek. Sondaı-aq, asa mańyzdy jalpy memlekettik mindetterdi sheshý úshin talqylaý jumystaryna azamattyq qoǵamnyń múmkindikterin keńinen qoldaný qajet.

Osy maqsatpen biz belgili qoǵam ókilderin qamtıtyn Ulttyq qoǵamdyq senim keńesin qurdyq. Bul keńes rotasııalyq tártippen jumys isteıdi» degen bolatyn.

Bul turǵyda Jambyl oblysynda jemisti jumystar atqarylýda. Mysaly, halyqpen keri baılanys ornatý, jergilikti atqarýshy organdardyń jumys tártibin júıelendirý jáne onyń tıimdiligin arttyrý maqsatynda oblys ákiminiń aǵymdaǵy jyldyń 13 naýryzdaǵy №70-ó ókimimen bekitilgen algorıtmge sáıkes, barlyq 14 aýyldyq okrýgte halyqpen kezdesýler ótkizilýde.

Sonymen qatar memlekettik qyzmet kórsetýdiń barynsha ashyq bolýyn qamtamasyz etý, turǵyndarǵa qolaıly jaǵdaı jasaý maqsatynda tórt memlekettik organ basshysynyń jumys kabınetteri ǵımarattyń birinshi qabatyna kóshirilgen.

Rasynda da kópshiliktiń tilegi eskerilmeı, kósegemizdiń kógermeıtini belgili. Bul turǵyda Joldaýda júktelgen mindetter jergilikti bılik pen jurtshylyqtyń arasyndaǵy baılanysty odan ári nyǵaıta túskendigi daýsyz.