• USD 389.52
  • EUR 429.21
  • RUB 6.07
  • CNY 54.94
20 Qańtar, 08:04:10
Qazaqstan Ýkraınanyń saýda naryǵyna alańdaýly

14 Qazan, 2019 NEWS

Árbir saqtandyrylǵan azamatqa 83,1 myń teńge jumsalady

2020 jyly árbir saqtandyrylǵan adamǵa kórsetiletin medısınalyq kómekke 83,1 myń teńge jumsalmaq. Nátıjesinde azamattardyń densaýlyqqa jumsaıtyn jeke shyǵyndary edáýir qysqarady. Bul týraly Medısınalyq saqtandyrý qory basqarma tóraǵasynyń orynbasary Erik Baıjúnisov habarlady.

Onyń aıtýynsha, tegin medısınalyq kómekke bólinetin qarajat kólemi jyl saıyn artyp otyrǵanyna qaramastan, medısına salasyndaǵy shyǵyndardyń 41 paıyzy halyqtyń qaltasynan shyǵady. Bul DDSU belgilegen mejeden eki ese kóp.

Qor málimetinshe, qazir halyqtyń 93%-y saqtandyrý júıesimen qamtylǵan. Onyń 58%-y – memleket tarapynan saqtandyrylatyn jeńildigi bar 11 mln azamat. Qalǵany – jaldamaly jumysshylar, jeke kásipkerler men BJT tóleýshiler. Saqtandyrylǵandardyń bári de 2020 jyldan bastap keńeıtilgen kólemde medısınalyq kómek ala alady. Olardyń qatarynda salalyq mamandar keńesi, baǵasy qymbat zerthanalyq analızder men MRT, KT syndy dıagnostıkalyq zertteýler de bar.

– Turǵyndarǵa az mólsherde jarna tólep, aýyryp qalǵan jaǵdaıda quny mıllıondaǵan teńge turatyn kómekke qol jetkizýge bolatynyn aıtyp túsindirýimiz kerek. Mysaly, júrek nemese baýyr almastyrý syndy kúrdeli operasııalar qoljetimdi bolmaq. Áleýmettik saqtandyrý degenimiz mine, osy, – dedi E.Baıjúnisov.

Jurtshylyqty "jumystan shyǵyp qalǵan jaǵdaıda medısınalyq kómek kórsetý tártibi ózgere me" degen saýaldyń mazalaıtyny anyq.

– Jumyssyz qalǵan azamattar MÁMS paketine engen qyzmetterdi jarna tóleý toqtaǵannan keıin úsh aı boıy paıdalana alady. Basqa jumysqa turǵannan keıin jumys berýshi onyń atyna aýdarym jasaı bastaıdy. Al, «eki qolǵa bir kúrek» tappaǵan jaǵdaıda tıisti oryndarǵa habarlasyp, jumyssyz retinde resmı tirkelý qajet. Bul sanat memleket tarapynan saqtandyrylady, – dedi Qor basshysynyń orynbasary.

Esterińizge sala ketsek, azamattar medısınalyq kómekke qatysty saýaldaryn 1406 nómirine joldaı alady.

MSQ Almaty qalalyq fııalynyń baspasóz qyzmeti

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir