• USD 389.52
  • EUR 429.21
  • RUB 6.07
  • CNY 54.94
16 Qazan, 01:46:02
Saılaý qarsańynda "joǵalyp ketken" akter Shrı-Lankadan sálem joldady (vıdeo)

29 Qyrkúıek, 2019 NEWS

Qazaqstanda 1 qańtardan bastap áıelderdiń zeınet jasy ulǵaıady

Zańǵa sáıkes, 2027 jyldyń 1 qańtarynan bastap qazaqstandyq áıelder zeınetke erler sııaqty 63 jasynda shyǵady

2020 jyldyń 1 qańtarynan bastap áıelderdiń zeınet jasy 59,5 jasqa deıin ulǵaıady dep habarlaıdy Qamshy.kz aqparat agenttigi sputniknews.kz saıtyna silteme jasap.

Qazaqstanda ótken jyldyń qańtarynan erler men áıelderdiń zeınet jasyn teńestirý jumysy bastaldy. Zańǵa sáıkes, 2027 jylǵa deıin qazaqstandyq áıelderdiń zeınet jasyna jarty jyldan qosylyp otyrady. Al erler úshin eshteńe ózgergen joq – olar zeınet demalysyna burynǵydaı 63 jasta shyǵady.

Zeınet jasyn arttyrýdyń birinshi kezeńi 2018 jyly bastaldy. Byltyr áıelderdiń zeınet jasy 58,5, al bıyl 59 jasty qurady.

Al kelesi jyldan bastap olar 59,5 jasynda zeınetke shyǵady.

  • 2021 jyldyń 1 qańtarynan — 60 jasynda;
  • 2022 jyldyń 1 qańtarynan — 60,5 jasynda;
  • 2023 jyldyń 1 qańtarynan — 61 jasynda;
  • 2024 jyldyń 1 qańtarynan — 61,5 jasynda;
  • 2025 jyldyń 1 qańtarynan — 62 jasynda;
  • 2026 jyldyń 1 qańtarynan — 62,5 jasynda;
  • 2027 jyldyń 1 qańtarynan — 63 jasynda.

Dese de, keıbir áıelderdiń zeınet jasy ózgermeıdi. Olardyń ishinde kópbalaly analar jáne Semeı ıadrolyq polıgonynda turǵan áıelder bar.

Máselen, bes jáne odan kóp balany segiz jasqa deıin tárbıelep ósirgen analar 53 jasta zeınetke shyǵa alady. Al Semeı ıadrolyq polıgonynynyń joǵary radıasııalyq qaýpi bar aımaqtarda bes jyldan artyq turǵan áıelderge 45 jasta, erlerge 50 jasta zeınetke shyǵýǵa ruqsat bar.

2019 jyldyń 1 qańtarynan:

  • bazalyq zeınetaqynyń eń tómengi mólsheri – 16 037 teńge;
  • eń tómengi zeınetaqy – 36 108 teńge;
  • bazalyq áleýmettik tólemderdiń mólsherin esepteý úshin eń tómengi kúnkóris deńgeıi – 29 698 teńge.

Zeınet jasy tómendeı me

Áıelderdiń zeınet jasyn uzartý qoǵamda daý týǵyzǵany jasyryn emes. Bul másele áli de álsin-álsin kóterilip keledi. Kóptiń talap-tilegi – zeınet jasyn, kerisinshe, tómendetý.

Jýyrda prezıdenttiń tóraǵalyǵymen ótken ulttyq qoǵamdyq senim keńesiniń otyrysynda keńes músheleri bul máseleni de aınalyp ótpedi. Olar áıelder úshin zeınet jasyn 55, al erler úshin 60 jasqa deıin tómendetýdi usyndy.

El úkimeti bul usynysty qarastyrýǵa ýáde bergenimen, zeınet jasyn tómendetý oılarynda joq ekenin ashyq bildirdi. Premer-mınıstrdiń birinshi orynbasary – qarjy mınıstri Álıhan Smaıylovtyń aıtýynsha, qazir búkil álemde áıelderdiń zeınetke shyǵý jasyn uzartý prosesi júrip jatyr. Sebebi halyqtyń turmysy jaqsaryp, tıisinshe adamnyń ómir súrý uzaqtyǵy artyp keledi.

Buǵan deıin májilistiń bir top depýtaty múgedek balany tárbıelep otyrǵan ata-ananyń zeınet jasyn tómendetýdi usynǵan bolatyn.

Al el prezıdenti Qasym-Jomart Toqaev alǵashqy joldaýynda zeınetaqy qoryndaǵy aqshanyń bir bóligin baspana men bilimge jumsaýǵa ruqsat berý múmkindigin qarastyrý qajettigin aıtty. Qazir úkimet memleket basshysynyń usynysyn jan-jaqty saralap, pysyqtap jatyr.

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir