27 Qyrkúıek, 2019
Aqan Sataev: Saıasat pen ónerdi aralastyrmaımyz
Aqan Sataevtyń «Tomırıs» tarıhı fılmi jalpyulttyq prokatqa shyqty. Osyǵan oraı Almatydaǵy Respýblıka saraıynda saltanatty túrde tusaýkeser rásimi ótip, baspasóz otyrysy uıymdastyryldy.
Aqan Sataev "Tarıhı fılmge VI ǵasyrda bolǵan oqıǵalar arqaý bolǵan. Bul jerde tarıhty burmalaý oryn almady. Fılmniń ssenarııi Gerodottyń derekterine súıene otyryp, tarıhı materıaldar men ǵalym-keńesshiler maǵlumaty negizinde jazyldy" – dep aıtty óz sózinde.
BAQ ókilderiniń "fılmniń alǵashqy kórsetilimi nelikten qazaq tilinde ótkizilmedi" degen suraǵyna Aqan Sataev "Qandaı týyndy bolmasyn saıasat pen ónerdi aralastyrmaımyz. Bizde fılmniń qazaqsha nusqasy tolyǵymen bar. Alaıda "Qazaqfılm" premerany "orys tilinde, qazaq tilindegi aýdarmasyn qosyp kórsetemiz" degen sheshim qabyldady" dep jaýap berdi.
Tomırıs rólin somdaý úshin ótkizilgen kastıngten súrinbeı ótip, basty keıipkerdi somdaǵan Almıra Tursyn "Bul róldi somdaý men úshin úlken baqyt. Shyǵarmashylyq jolym Tomırıs rólinen bastalǵany úshin qýanyshtymyn" degen júrekjardy lebizin bildirdi.
"Róldi erekshe mahabbatpen oryndaǵandyqtan da qıynshylyq sezilmedi. Akterlermen birge "Nomad" jattyqtyrý lagerindegi aýqymdy daıyndyqtan óttik. Sodan alǵan tájirıbeniń arqasynda kóptegen qıyndyqty eńsere aldyq, – deıdi 15 jastaǵy Tomırıstiń rólin oınaǵan Saltanat Serkebaeva.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir