"Tomırıs" fılmine 2 mlrd 259 mln teńge jumsaldy

  Mádenıet jáne sport vıse-mınıstri Nurǵısa Dáýeshev fılm bıýdjetine "Tomırıs"  2 mlrd 259 mln teńge jumsalǵanyn aıtty dep jazady Qamshy.kz aqparat agenttigi informburo.kz aqparatyna súıenip.

 "Qazaqfılm" kınostýdııasy Mádenıet jáne sport mınıstrliginiń tapsyrysymen "Saıfılm" kınostýdııasymen túsirgen, bas prodıýseri – Álııa Nazarbaeva.

 Fılmge elimizdiń tanymal kınojuldyzdary Dımash Ahımov, Erik Joljaqsynov, Baıkenje Belbaev, Berik Aıtjanov, Erkebulan Daıyrov, Murat Bısembın, Azamat Satybaldy, Ádil Ahmetov, Aıjan Laıdjı, Aıan О́tepbergen, Asylhan Tólepov, Ashat Úrpekovter túsken.

  Fılm tórt úlken lokasııa – Shúnja, Qapshaǵaı jáne Almaty, Kókshetaý jerlerinde túsirilgen. Túsirilim barysynyń uzaqtyǵy 93 kúnge sozylyp, bir ýaqytta 800-ge jýyq adam jumys istegen. 

 Basty róldi somdaǵan aktrısa Almıra Tursyn:  "Men obrazǵa enerde qıynshylyqtar kezdesti. О́ıtkeni meniń bolmysyma jat dóreki is-qımyldardy, tóbeles, atpen júrýdi meńgerýim kerek boldy", – deıdi.