• USD 389.52
  • EUR 429.21
  • RUB 6.07
  • CNY 54.94
18 Qazan, 13:05:52
Sarapshylar joldaýdyń júzege asyrylýyn talqylady

23 Qyrkúıek, 2019 NEWS

Mınıstr óńirlerdiń jylytý maýsymyna daıyndyǵy týraly esep berdi

QR premer-mınıstri Asqar Mamınniń tóraǵalyǵymen ótken Úkimet otyrysynda ındýstrııa jáne ınfraqurylymdyq damý mınıstri Beıbit Atamqulov óńirlerdiń jylytý maýsymyna daıyndyǵy týraly baıandady, - dep habarlaıdy Qamshy.kz aqparat agenttigi Úkimet baspasóz qyzmetine silteme jasap. 

"Jergilikti atqarýshy organdar 10 623 derbes qazandyqty jóndeýdi josparlaǵan, onyń ishinde 10 606 qazandyq nemese 99,8 paıyz daıyndaldy. Jóndeý jumystary Mańǵystaý oblysynda - 94,2 paıyz, Qyzylorda oblysynda - 99,2 paıyz, Shymkent qalasynda - 99,3 paıyz jalǵasýda. Qalǵan óńirlerde derbes qazandyqtardyń tolyq daıyndyǵy qamtamasyz etilgen. Jylý jelilerin daıyndaýǵa qatysty, josparlanǵan 4 990 km jylý jelilerinen aǵymdaǵy kezeńde 4 943 km jylý jelileri nemese 99,1 paıyz jóndeldi. Jylý jelilerin jóndeý boıynsha tómengi daıyndyq Nur-Sultan qalasynda - 73,6paıyz, Mańǵystaý oblysynda - 91,7 paıyz, Atyraý oblysynda - 96,8 paıyz", - dedi Beıbit Atamqulov. 

Sýmen jabdyqtaý jelilerin daıyndaýǵa qatysty, 15 116 km sýmen jabdyqtaý jelilerin jóndeý josparlanǵan, is júzinde 14 917 km nemese 98,7 paıyz jóndeldi. Sýmen jabdyqtaý jelilerin jóndeý boıynsha  Nur-Sultan qalasynda - 71,6 paıyz, Aqtóbe oblysynda - 83,8 paıyz, Túrkistan oblysynda - 89,9 paıyz, Shymkent qalasynda - 90,5 paıyz ázirlik tómen. 

Bilim berý nysandaryn daıyndaý boıynsha aǵymdaǵy kezeńge 10 967 bilim berý obektisi daıyndaldy nemese jospardaǵydan 99,6 paıyz oryndaldy. Barlyq bilim berý obektilerin 1 qyrkúıekke deıin daıyndaý josparlanǵan bolatyn. Alaıda, daıyn emes obektiler úsh óńirde qaldy: Nur-Sultan qalasynda daıyndyq - 97,7 paıyz, Batys Qazaqstan oblysynda - 99,5 paıyz, Atyraý oblysynda - 99,5 paıyz. 

Densaýlyq saqtaý obektilerin daıyndaýǵa qatysty, 5 936 obektini daıyndaý josparlanǵan, sonyń ishinde 5 921 obekti nemese 99,7 paıyz daıyndaldy. Qalǵan óńirlerge qaraǵanda daıyndyǵy tómen Atyraý oblysynda - 95,2 paıyz, Aqtóbe oblysynda - 98,9 paıyz, Batys Qazaqstan oblysynda - 99 paıyz baıqalady. 46 809 turǵyn úı jóndeýge josparlanǵan, is júzinde 45 908 turǵyn úı nemese 98,1 paıyz daıyndaldy. Turǵyn úılerdi jylytý maýsymyna daıyndaý boıynsha Batys Qazaqstan oblysynda (84,5 paıyz), Túrkistan oblysynda (94,9 paıyz), Shymkent qalasynda (90,7 paıyz) jumys qarqyny tómen.

2017 jyldan bastap Indýstrııa jáne ınfraqurylymdyq damý mınıstrligi kóp páterli turǵyn úılerde, bilim berý, áleýmettik sala obektilerinde belgilengen qurylys normalary jáne erejelerin (QNjE) buza otyryp ornalastyrylǵan derbes qazandyqtardy shyǵarýǵa monıtorıng júrgizedi. Jalpy qurylys normalary jáne erejeleri buzýshylyqpen ornatylǵan 769 derbes qazandyq anyqtaldy, onyń ishinde 39-y - kóppáterli turǵyn úılerde, 730-y - bilim berý, áleýmettik mádenı turmys obektilerinde. Olardy shyǵarý jergilikti bıýdjet nemese basqa da qarjylandyrý kózderi esebinen júzege asyrylady.

2019 jylǵy 19 qyrkúıektegi jaǵdaı boıynsha 419 birlik DJJ nemese jospardan 54,5 paıyzy shyǵaryldy. Shyǵarýdyń tómen qarqyny Qostanaı oblysy - 13 paıyz, Aqmola oblysy - 36 paıyz jáne Qaraǵandy oblysynda - 51paıyz.

"Kómir óndirýshi kompanııalarmen 75,1 mln tonna kómir óndirildi, bul ótken jyldyń uqsas kezeńimen salystyrǵanda 97,2 paıyzdy quraıdy. Elimizdiń ishki naryǵyna osy kezeńde 51,5 mln tonna kómir jóneltildi. Energııa óndirýshi kásiporyndarǵa 39,6 mln tonna kómir jóneltildi, bul 2018 jyldyń uqsas kezeńimen salystyrǵanda 1,4paıyzǵa az. О́nerkásiptik kásiporyndarǵa 4,8 mıllıon tonna kómir jóneltildi, bul 2018 jyldyń uqsas kezeńimen salystyrǵanda 15,2paıyzǵa az. Kommýnaldyq turmystyq qajettilikke jáne halyqqa 7,1 mln tonna kómir jóneltildi, bul 2018 jyldyń kezeńimen salystyrǵanda - 92,8 paıyz. Kómir eksporty 19,8 mln tonnany quraıdy, bul ótken jyldyń sáıkes kezeńimen salystyrǵanda - 100,4 paıyz", - dedi QR ındýstrııa jáne ınfraqurylymdyq damý mınıstri. 

Kommýnaldyq qyzmetter úshin tutynýshylardyń bereshegi 11,4 mlrd teńgeni quraıdy. Eń kóp debıtorlyq bereshek Almaty qalasynda- 2,6 mlrd teńge, Nur-Sultan qalasy - 1,7 mlrd teńge, Mańǵystaý oblysynda - 1,5 mlrd teńge, Shymkent qalasynda - 1,3 mlrd teńge kóleminde saqtalyp otyr. Sondaı-aq 2018 jylmen salystyrǵanda Almaty qalasynda bereshektiń 533 mln teńgege ósýi baıqalady.

Bul rette 2018 jylmen salystyrǵanda qaryzdardyń tómendeýi Shymkent qalasynda 1,1 mlrd teńgege jáne Nur-Sultan qalasynda 568 mln teńgege jetti.  Debıtorlyq bereshek boıynsha eń tómen kórsetkishter Almaty oblysynda  baıqalady - 5 mln teńge. 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir