Úzdik bastaýysh partııa uıymy anyqtaldy

«Nur Otan» partııasy jarııalaǵan bastaýysh uıymdardyń rólin arttyrý, belsendiligin damytý maqsatynda, respýblıkalyq «Úzdik bastaýysh partııa uıymy» baıqaýy bıyl da óz jalǵasyn tabýda. Osyǵan oraı «Nur Otan» partııasy Baızaq aýdandyq fılıalynyń ǵımaratynda «Úzdik bastaýysh partııa uıymy» baıqaýynyń irikteý kezeńi bolyp ótti.

Úzdik bastaýysh partııa uıymyn anyqtaý, olardyń jumys tájirıbesin barlyq aımaqtarda taratý, partııalyq jáne saılanbaly qyzmetterge usyný maqsatynda bilikti jáne belsendi bastaýysh partııa uıymdary tóraǵalarynan partııalyq kadrlardyń rezervin qalyptastyrý jáne partııa jumysyna qoǵamdastyqtyń nazaryn aýdarý maqsatyn kózdegen baıqaýǵa oblystyq partııa fılıalynyń qoǵamdyq qabyldaý bóliminiń meńgerýshisi Úmit Ibraımova qatysty.

Atalmysh irikteý baıqaýyn «Nur Otan» partııasy aýdandyq fılıaly tóraǵasynyń birinshi orynbasary Sholpan Baıtaqova ashyp, júrgizip otyrdy. Baıqaý erejesine sáıkes, aýdandyq partııa fılıalynda arnaıy komıssııa qurylyp, barlyq bastaýysh partııa uıymdarynyń tóraǵa - tóraıymdaryna baıqaý erejesi men talaptary tolyqtaı túsindirildi.

Baıqaýǵa qatysýshy bastaýysh partııa uıymdary óz jumystaryn slaıdtar arqyly tanystyrdy. Komıssııa músheleri aldyn ala zerdelengen is qujattaryna baǵa bere otyryp, baıqaýdyń negizgi jeti krıterıılerine toqtaldy. Onyń ishinde, «BPU jetekshisin baǵalaý» baǵyty boıynsha qatysýshylarǵa partııanyń Jarǵysy men baǵdarlamalyq qujattaryn bilýlerin nazarǵa aldy. Komıssııa músheleri baıqaý erejesiniń №2 qosymshasy, baǵalaý ádistemesine sáıkes, qatysýshylar baǵalaryn 1-den 5-ke deıin ballmen baǵalady. Árbir komıssııa múshesi baǵalaý paraǵyn jeke toltyrdy jáne sońynda óz qoldaryn qoıyp, komıssııa hatshysyna tapsyryp otyrdy.

Arnaıy qurylǵan komıssııa músheleri «Úzdik bastaýysh partııa uıymy» baıqaýynyń erejesine, partııalyq jobalardy iske asyrýy, ishkipartııalyq jumystary, jańa ádisterdi paıdalanýy, azamattyq bastamalardy iske asyrýy, bastaýysh partııa uıymy qyzmetin buqaralyq aqparat quraldarynda jarııalaýy, jastarmen jumysy, bastaýysh partııa uıymy jetekshisin baǵalaý ádistemesine sáıkes jeti baǵyt boıynsha jumys júrgizip, baıqaýǵa qatysýǵa usynym bildirgen bastaýysh partııa uıymdary arasynan jeńimpazdy anyqtady. Sonymen, komıssııa músheleriniń qabyldaǵan sheshimimen múshe sany 100-ge deıingi «Qostóbe», múshe sany 500-ge deıingi «Mádenıet úıi», múshe sany 500 jáne odan astam partııa múshesi bar “Dana” bastaýysh partııa uıymdary birinshi oryndardy ıelenip, oblystyq ekinshi kezeńge joldama aldy.