Jambyl oblysyna "Járdem" medısınalyq poıyzy keldi

Qazirgi ýaqytta shalǵaı jáne nashar qoljetimdi aımaqtardyń turǵyndaryna, temirjolshylarǵa, olardyń otbasylaryna, dıagnostıkalyq zertteý jáne medısınalyq kómek alý úshin Qazaqstannyń iri qalalarǵa baryp uzaq ýaqyt joǵaltýdyń ýaqyt pen qarajat jumsaýdyń qajeti joq. 2010 jyly iske qosylǵan "Járdem" poıyzy elimizdiń shalǵaı stansııalaryna qyzmet kórsetedi dep jazady Qamshy.kz aqparat agenttigi. 

Jýyrda atalǵan «Dóńgelekti emhana» Jambyl oblysyna keldi. Birinshi kúni "Talas" stansasynyń jaqyn mańdaǵy eldi mekenderinen 120 turǵyn(onyń ishinde 30 bala) qajetti medısınalyq kásibı keńes jáne kómek aldy.

Bul joly Jambyl oblysyndaǵy Talas ,Qarataý, Tamdy, Shaıqoryq, Qumshaǵal, Shóldala sııaqty 6 stansanyń turǵyndaryna qyzmet kórsetý josparlanýda.

Medısınalyq poıyzdyń negizgi mindeti – keshendi dıagnostıkalyq kómek kórsetý, dıagnostıkalyq qural-jabdyqtardy, apparatýralardy paıdalana otyryp, laboratorııalyq, qyzmettik, qural-saımandyq ádistermen emdelýshilerdi tekserý, mindetti medısınalyq tkserýden ótkizý, medısınalyq taldaý jáne anyqtalǵan medısınalyq kórsetkishterge súıene otyryp, naýqastarǵa josparly emdelýge, aýrýhanada emdelýge joldama berý.

Arnaıy poezd vagondarynda tolyqqandy dıagnostıkalyq korpýs, tirkeý ornymen,qyzmetkerlerdiń tamaqtanýyna jáne demalýyna arnalǵan bloktar ornalasqan . Arnaıy mamandarǵa úlken kezek bar. Munda ýltra dybystyq zertteý, dıagnostıka, tańý, emshara kabınetteri jáne kishi hırýrgııalyq operasııalar júrgiziletin operasııalyq blok qarastyrylǵan.

Barlyq kabınetter tolyǵymen kompıýterlengen. Sandyq flıýorografııalyq apparat naýqasqa rentgen sýretin birden beredi, al tapsyrylǵan taldaýlardyń nátıjeleri uzaq kúttirmeıdi. Halyq arasynda medısınalyq poıyzdardyń jumysy úlken qoldaýǵa ıe.

«Qazaqstan – 2050» Strategııasynda: “Ult densaýlyǵy – bizdiń jarqyn bolashaǵymyzdyń negizi. Azamattardyń densaýlyǵyn jaqsartý, qoljetimdi jáne sapaly medısınalyq qyzmet kórsetý – elimizdegi áleýmettik saıasattyń mańyzdy baǵyty» dep aıryqsha atap kórsetilgendeı, búgingi kúni oblysymyzda bolyp, aýyl turǵyndaryna sapaly medısınalyq kómek kórsetýlerińizdi úlken qoldaý dep bilemiz. Sondyqtan da ult saýlyǵy, densaýlyq saqtaý júıesin jetildirý, medısınalyq qyzmet kórsetý sapasyn arttyrý máseleleri memlekettik saıasattyń basym baǵyttary ekeni belgili.