Jemqorlyq faktisi týraly habar bergen 18 jambyldyqqa 2,5 mln. teńge tólengen

Aǵymdaǵy jyldyń 7 aıy ishinde Qazaqstan Respýblıkasy sybaılas jemqorlyqqa qarsy is-qımyl agenttiginiń Call-center ortalyǵyna ár túrli quqyq buzýshylyqtar týraly 768 azamattyń ótinishi túsken, olardyń ishinde 30 Jambyl oblysynyń aýmaǵynda jasalynǵan zań buzýshylyqtarǵa qatysty dep jazady Qamshy.kz aqparat agenttigi. 

Joǵaryda kórsetilgen 30 ótinish Departamentke túsip, birden aqparattardy esepke alý kitabina tirkelip, barlyq ótinishter boıynsha qajetti tekserý sharalary júrgizilgen. Call-center ortalyǵyna túsken ótinishter boıynsha qylmytyq ister qozǵalmaǵan.

Call-center ortalyǵyna túsken ótinishterge júrgizilgen taldaýǵa sáıkes, kóp jaǵdaıda azamattar ákimshilik jáne onyń qurylmdyq bólimsheleri qyzmetkerleriniń zańsyz áreketterine qatysty shaǵymdanady, odan keıin ishki ister organdarynyń qyzmetkerlerine qatysty. О́tinishterdiń mánine kóńil aýdaratyn bolsaq, kóbinese laýazymdy adamdarmen aqsha talap etý derekteri bolyp tabylady.

Qazaqstan Respýblıkasy sybaılas jemqorlyqqa qarsy is-qımyl agenttiginiń Jambyl oblysy boıynsha departamentimen Qazaqstan Respýblıkasy Úkimetiniń 2015 jylǵy 30 jeltoqsandaǵy №1131 bekitilgen «Sybaılas jemqorlyq quqyq buzýshylyq faktisi týraly habarlaǵan nemese sybaılas jemqorlyqqa qarsy is-qımylda ózge de jolmen járdemdesetin adamdardy kótermeleý týraly qaǵıdasyna» sáıkes azamattarmen únemi túrde jumystar júrgizilýde.

Sybaılas jemqorlyq quqyq buzýshylyq faktisi týraly habarlaǵan nemese sybaılas jemqorlyqqa qarsy is-qımylǵa ózge de jolmen járdemdesken adamdarǵa, eger kináli adamǵa qatysty ákimshilik jaza qoldaný týraly sot qaýlysy nemese aıyptaý úkimi zańdy kúshine engen bolsa, birjolǵy aqshalaı syıaqy tólenedi.

Osylaısha, aǵymdaǵy jyldyń 7 aıynda sybaılas jemqorlyq quqyq buzýshylyq faktisi týraly habarlaǵan – 18 adamǵa (2018j. 12 aıynda – 13 azamat) jalpy sommasy 2,5 mln. teńgege (2018j. 12 aıynda – 1,7 mln. teńge) birjolǵy aqshalaı syıaqy túrinde kótermeleý tólengen.

Statıstıkalyq aqparatqa júginetin bolsaq, joǵaryda kórsetilgen 18 ótinish boıynsha QR QK-niń tómendegi baptary boıysha qylmystyq ister qozǵalǵan.

Barlyq tirkelgen sybaılas jemqorlyq quqyq buzýshylyq derekteri boıynsha, laýazymdy adamdar ár túrli qylmystyq jaýaptylyqtarǵa tartylǵan.