Almaty oblysynda bıikten sekirgen polkovnık ajal qushty

Almaty oblysynda bıikten sekirgen ofıser parashıýti ashylmaı qalyp, ajal qushty. Qaıǵyly oqıǵa Qapshaǵaı mańyndaǵy oqý-jattyǵý alańdarynyń birinde bolǵan dep jazady Qamshy.kz aqparat agenttigi ktk.kz telearnasynyń saıtyna silteme jasap.

Qorǵanys mınıstrligi taratqan aqparatqa qaraǵanda, «MI-17» tikushaǵynan tómenge quldılaǵan polkovnık Aldońǵarovtyń jerge 300 metrdeı qalǵanda parashıýti ashylmaı qalypty.

Desanttyq-shabýyldaý brıgadasynyń ofıseri qaýipsizdik erejesin saqtamaǵan degen boljam aıtyldy.

Marqum qosalqy parashıýtti de iske qosyp úlgermegen. Polkovnık sol jerde til tartpaı ketti.

Josparly jattyǵý «Búrkit» arnaıy qurylymynyń talabyna sáıkes 1200 metr bıiktikten sekirý boıynsha júrgizilgen eken. Bul aeroutqyr áskerleri oryndaıtyn jaýyngerlik daıarlyq.

Qazir qylmystyq kodekstiń 453-baby 2-tarmaǵy aıasynda is qozǵaldy. Iаǵnı qyzmetke salǵyrt qarap, aýyr zardapqa ákep soǵý boıynsha tekseris júrgizilýde.