• USD 378.65
  • EUR 430.07
  • RUB 6
  • CNY 55.1
21 Tamyz, 11:25:44
Alpınısterdiń naqty qaı jerde ekeni áli belgisiz

30 Shilde, 2019 NEWS

#Abai175 chellendji: Aqynnyń portretimen shash úlgisi jasaldy

Almatylyq 6-synyp oqýshysy Álıhan Erbolat uly aqyn Abaı Qunanbaevtyń portreti bar shash úlgisin jasaǵan. Búginde Álıhannyń shash úlgisi áleýmettik jelide keńinen tarap, talqylanýda, dep habarlaıdy Qamshy.kz aqparat agenttigi QazAqparatqa silteme jasap.

Shash úlgisin jasaǵan shashtaraz aqyn portretin salýǵa búginde elimizde keńinen taralyp jatqan #Abai175 chellendji sebep bolǵan.

"Qazaqstan boıynsha áleýmettik jeliler arqyly Abaı Qunanbaevtyń óleńin oqý chellendji keńinen taraýda. Men negizi, áleýmettik jelidegi mundaı baıqaý, jarystarǵa mán bere qoımaıtynmyn. Degenmen, Prezıdentimiz Qasym-Jomart Toqaev pen ánshi Dımash Qudaıbergenniń aqyn óleńinen úzindi oqyǵany erekshe áser qaldyrdy. Sodan bul estafetany óz betimshe kásibimmen baılanystyrsam degen ıdeıa keldi" deıdi ol.

Abaıdyń beınesin shashyna salýǵa kelisken oqýshynyń anasymen bul oqıǵa kútpegen jerden boldy deıdi.

"Instagram paraqshasy arqyly shash aldyratyn modelder kerek degen habarlandyrýdy oqyp, sol boıynsha habarlastyq. Biraq bizge Abaı Qunanbaevtyń portretin salatynyn aıtqan joq. Jaı ǵana «kelińiz!» dedi. Abaıdyń sýretin salatynyn balam barǵan soń ǵana bilipti. Árıne, qarsy bolmaǵan. О́zimiz balamyzdyń erekshe shash úlgisi týraly úıge kelgen soń ǵana bildik. Jeke tulǵalardyń portreti beınelengen shash úlgisi jıi kezdese bermeıtin bolǵan soń, kóp adamdar qyzyq kórip qarap, keıbir adamdar balammen ózderi kelip amandasyp jatady",  dedi Álıhannyń anasy Aqbota Baljanova.

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir